(VOVWORLD) -ໝູ່ບ້ານອາຊີບເຮັດເສັ້ນເຝີແຫ້ງ ໂລະເກືອງ ແມ່ນໜຶ່ງໃນບັນດາໝູ່ບ້ານອາຊີບທີ່ມີມາແຕ່ດົນນານຢູ່ນະຄອນ ຫາຍເຢືອງ ແຂວງຫາຍເຢືອງ, ຫ່າງຈາກນະຄອນຫຼວງ ຮ່າໂນ້ຍ ໄປທາງທິດຕາເວັນອອກ ປະມານ 50 ກມ ແມ່ນໝູ່ບ້ານອາຊີບທີ່ເຕັມໄປດ້ວຍຈຸດວັດທະນະທຳພິເສດສະເພາະຂອງໝູ່ບ້ານອາຊີບຫວຽດນາມ. ໃນຊຸມປີມໍ່ໆມານີ້, ພ້ອມກັບການພັດທະນາ ແລະ ເປີດກ້ວາງນະຄອນ ຫາຍເຢືອງ ຢ່າງແຮງນັ້ນ, ໝູ່ບ້ານອາຊີບ ເຮັດເສັ້ນເຝີແຫ້ງ ໂລະເກືອງ ກໍ່ມີການປ່ຽນແປງຫຼາຍຢ່າງດ້ວຍບັນດາທິດເດີນ, ວິທີເຮັດທີ່ເໝາະສົມເພື່ອແນໃສ່ຮັກສາ ແລະ ເສີມຂະຫຍາຍອາຊີບທີ່ເປັນມູນເຊື້ອນີ້ໄວ້.