ນີ້ແມ່ນຮູບແບບທຳອິດຢູ່ ຫວຽດນາມ ແລະ ຫວັງວ່າຈະນຳມາເຊິ່ງຜົນປະໂຫຍດດີທີ່ສຸດໃຫ້ແກ່ວິສາຫະກິດການລົງທຶນ, ກໍ່ຄືການສ້າງ ແລະ ປະຕິບັດນະໂຍບາຍກົດໝາຍວ່າດ້ວຍການລົງທຶນ. ດ້ວຍຈຳນວນສະມາຊິກປະມານ 100 ຄົນ, ສະຫະສະມາຄົມຈະກາຍເປັນສະຖານທີ່ເຕົ້າໂຮມຂອງບັນດານັກຊ່ຽວຊານ,  ທະນາຍຄວາມ, ບັນດານັກວິເຄາະດ້ານກົດໝາຍແຖວໜ້າຂອງຫວຽດນາມ, ໃນໄລຍະຈະມາເຖິງສະຫະສະມາຄົມຈະສືບຕໍ່ຂະຫຍາຍສະມາຊິກ, ພ້ອມທັງປາດຖະໜາຢາກກາຍເປັນຫົວໜ່ວຍແຖວໜ້າກ່ຽວກັບການຄົ້ນຄ້ວາ, ໃຫ້ຄຳປຶກສາດ້ານນະໂຍບາຍການລົງທຶນຢູ່ ຫວຽດນາມ. ທ່ານ ເຈິ່ນເຊີນຫວູ, ຫົວໜ້າຄະນະຂົນຂວາຍສະຫະສະມາຄົມ ຄົ້ນຄ້ວາ,ໃຫ້ຄຳປຶກສາດ້ານນະໂຍບາຍ, ກົດໝາຍໃຫ້ແກ່ການເຄື່ອນໄຫວລົງທຶນຢູ່ ຫວຽດນາມໃຫ້ຮູ້ວ່າ: “ສະຫະສະມາຄົມໄດ້ສ້າງຕັ້ງຂຶ້ນດ້ວຍຈຸດປະສົງເພື່ອຮັບເອົາແຫຼ່ງເງິນທຶນ ຫຼື ຄວາມຕ້ອງການໃນການລົງທຶນຂອງບັນດາອົງການ, ກຸ່ມບໍລິສັດການເງິນຂອງຕ່າງປະເທດທີ່ລົງທຶນເຂົ້າຫວຽດນາມ. ສຳຄັນທີ່ສຸດແມ່ນຕ້ອງມີການໂອ້ລົມສົນທະນາກັບເຂົາເຈົ້າ, ກຳນົດຄວາມຕ້ອງການໃນການລົງທຶນເປັນຄືແນວໃດ ແລະ ພວມມີຂໍ້ຕິດຂັດຢູ່ນະໂຍບາຍໃດນັ້ນຈຶ່ງຍົກອອກ ບັນຫາທີ່ຕ້ອງຄົ້ນຄ້ວາ ເພື່ອນຳໃຊ້, ແກ້ໄຂບັນດາຂໍ້ຕິດຂັດກ່ຽວກັບນະໂຍບາຍນັ້ນຂອງບັນດານັກລົງທຶນກໍ່ຄືການປະກອບສ່ວນເຂົ້າໃນການພັດທະນາຂອງປະເທດຊາດ”.