ທ່ານ​ນາ​ຍົກ​ລັດ​ຖະ​ມົນ​ຕີ ອິດ​ສະ​ຣາ​ແອັນ Benjamin Netanyahu ໃຫ້​ຮູ້​ວ່າ ບັນ​ດາ​ກົມ​ກອງ​ຂອງກອງ​ພົນ 36 ຂອງ​ກຳ​ລັງ​ປ້ອງ​ກັນ ອິດ​ສະ​ຣາ​ແອັນ (IDF) ໄດ້​ຄວບ​ຄຸມ​ບາງ​ທີ່​ຕັ້ງ​ຍຸດ​ທະ​ສາດ​ຢູ່​ພາກ​ໃຕ້ ລີ​ບັງ ແລະ ເພີ່ມ​ທະ​ວີ​ກຳ​ລັງ​ກົດ​ກັນ​ດ້ານ​ການ​ທະ​ຫານ​ກັບ ເຮັກ​ໂບ​ລາ. ນີ້​ໄດ້​ຮັບ​ຖື​ວ່າ ແມ່ນ​ການ​ຜັນ​ແປ​ທີ່​ມີ​ຄວາມ​ລະ​ອຽດ​ອ່ອນ​ເປັນ​ພິ​ເສດ, ເພາະ​ວ່າແຕ່​ດົນ​ນານ​ມາ​ແລ້ວ, ແມ່​ນ້ຳ Litani ໄດ້​ຮັບ​ຖື​ວ່າ ແມ່ນ​ເຂດ​ແດນ​ຍຸດ​ທະ​ສາດ​ຢູ່​ພາກ​ໃຕ້ ລີ​ບັງ ແລະ ແມ່ນ​ເຂດກັນ​ຊົນ​ດ້ານ​ຄວາມ​ໝັ້ນ​ຄົງ​ທີ່​ເປັນ​ແກ່ນ​ສານ​ໃນ​ບັນ​ດາ​ຂໍ້​ຕົກ​ລົງ​ທີ່​ກ່ຽວ​ຂ້ອງ​ເຖິງ ເຮັກ​ໂບ​ລາ ພາຍຫຼັງ​ສົງ​ຄ​າມ​ກັບ ລີ​ບັງ ເມື່ອ​ປີ 2006.

ກໍ​ໃນ​ວັນ​ດຽວ​ກັນ, ວົງ​ການ​ເຈົ້າ​ໜ້າ​ທີ່​ການ​ທະ​ຫານ ອິດ​ສະ​ຣ​າ​ແອັນ ແລະ ລີ​ບັງ ໄດ້​ດຳ​ເນີນ​ການ​ເຈ​ລະ​ຈາ​ຢູ່ ວໍ​ຊິງ​ຕັນ, ອາ​ເມ​ລິ​ກາ, ແນ​ໃສ່​ຊອກ​ຫາ​ວິ​ທີຫຼຸດ​ຜ່ອນ​ຄວາມ​ເຄັ່ງ​ຕ​ຶງ.