(ພາບ:quochoi.vn)

ໃນນັ້ນ, ໜ້າເອົາໃຈໃສ່ແມ່ນ ຄະນະປະຈຳສະພາແຫ່ງຊາດໃຫ້ຄຳເຫັນ ກ່ຽວກັບຮ່າງມະຕິວ່າດ້ວຍການດັດປັບລະດັບຫລຸດຜ່ອນຂອງອາກອນລາຍຮັບສ່ວນຕົວ. ຄາດວ່າ ນັບແຕ່ປີ 2020 ເປັນຕົ້ນໄປ, ຜູ້ອອກແຮງງານມີລາຍຮັບແຕ່ 11 ລ້ານດົ່ງຂຶ້ນໄປ ຈຶ່ງຈະຕ້ອງເສຍອາກອນລາຍຮັບສ່ວນຕົວ.

ໃນວັນດຽວກັນ, ຄະນະປະຈຳສະພາແຫ່ງຊາດ ຍັງໄດ້ປະກອບຄຳເຫັນໃສ່ຮ່າງມະຕິຂອງສະພາແຫ່ງຊາດ ວ່າດ້ວຍການທົດລອງຈັດຮູບແບບອຳນາດການປົກຄອງຕົວເມືອງ ແລະ ບາງນະໂຍບາຍພິເສດສະເພາະໃນການພັດທະນານະຄອນ ດ່ານັງ; ໃຫ້ຄຳເຫັນໃສ່ບົດລາຍງານການເງິນປີ 2018; ຮັບຟັງລັດຖະບານລາຍງານກ່ຽວກັບການປະຕິບັດ, ຜັນຂະຫຍາຍມະຕິຂອງສະພາແຫ່ງຊາດກ່ຽວກັບການປ່ຽນແປງໃໝ່ລາຍການຫຼັກສູດການຮຽນ, ປື້ມຕຳລາຮຽນ ແລະ ຫຼາຍເນື້ອໃນສຳຄັນອື່ນໆ.