ເມື່ອກ່າວຄຳເຫັນຕໍ່ວົງການນັກຂ່າວ, ທ່ານ Trump ໄດ້ສະແດງຫຼັກໝັ້ນສະໜັບສະໜູນການນຳ ອິດສະຣາແອັນ, ຊົມເຊີຍທ່ານ Netanyahu ໄດ້ປະຕິບັດຖືກຕ້ອງຕາມແຜນການ ກ່ຽວກັບຄຳສັ່ງຢຸດຍິງກັບ ຮາມາດສ, ໂດບໍ່ຫົວຊາຕໍ່ເລື່ອງມີຜູ້ຊ່ວຍວຽກ ແລະ ປະເທດພັນທະມິດຈຳນວນໜຶ່ງຖືວ່າ ນາຍົກລັດຖະມົນຕີ ອິດສະຣາແອັນ ພວມໂຈະການປະຕິບັດບາງມາດຕາໃນຂໍ້ຕົກລົງຢຸດຍິງທີ່ໄດ້ລົງນາມໃນເດືອນຕຸລາຜ່ານມາ. ທ່ານປະທານາທິບໍດີ ອາເມລິກາ ກໍສະແດງຄວາມປາດຖະໜາ ຢາກຫັນໄປສູ່ໄລຍະທີ 2 ຂອງຂໍ້ຕົກລົງຢຸດຍິງ ລະຫວ່າງ ອິດສະຣາແອັນ ແລະ ຮາມາດສ ໂດຍໄວ, ແຕ່ກໍເນັ້ນໜັກເຖິງເງື່ອນໄຂຕັດສິນຊີ້ຂາດແມ່ນ ຮາມາດສ ຕ້ອງປົດອາວຸດ. ກ່ຽວກັບບັນຫາ ອີຣານ, ທ່ານ Trump ກໍຖະແຫຼງວ່າ ປັດຈຸບັນ ອາເມລິກາ ຍັງບໍ່ທັນມີຫຼັກຖານຕໍ່ເລື່ອງ ອີຣານ ມີການກະທຳສ້າງບັນດາລາຍການລູກສອນໄຟນຳວິຖີ ແລະ ອາວຸດນິວເຄຼຍ ຄືນໃໝ່ເທື່ອ.