ທີ່ການໂອ້ລົມທາງໂທລະສັບ, ທ່ານລັດຖະມົນຕີການຕ່າງປະເທດ ເລຮ່ວາຍຈຸງ ໄດ້ຢັ້ງຢືນຄືນວ່າ ຫວຽດນາມ ຕີລາຄາສູງບົດບາດ ແລະ ສຽງເວົ້າສຳຄັນຂອງການາດາໃນບັນດາບັນຫາສາກົນ ແລະ ພາກພື້ນ, ທ່ານເນັ້ນໜັກວ່າ ຫວຽດນາມ ຍາມໃດກໍ່ຖືເປັນສຳຄັນ ການພົວພັນກັບການາດາ ແລະ ກຽມພ້ອມກັບການາດາ ເພີ່ມທະວີການຮ່ວມມືແທ້ຈິງ, ມຸ່ງໄປເຖິງການຍົກສູງຂອບເຂດການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ ການາດາ.
ທ່ານລັດຖະມົນຕີການຕ່າງປະເທດ ເລຮ່ວາຍຈຸງ ສະເໜີສອງຝ່າຍສືບຕໍ່ປະສານສົມທົບກັນຢ່າງແໜ້ນແຟ້ນເພື່ອຫັນການຍົກລະດັບການພົວພັນເປັນລະອຽດຄືຄວາມປາດຖະໜາຂອງການນຳສອງປະເທດ, ເຮັດໃຫ້ຄວາມໄວ້ເນື້ອເຊື່ອໃຈດ້ານການເມືອງເລິກເຊິ່ງກວ່າອີກ ຜ່ານການແລກປ່ຽນຄະນະຜູ້ແທນທຸກຂັ້ນ, ບັນດາຊ່ອງທາງ, ໃຫ້ບຸລິມະສິດຊຸກຍູ້ການຢ້ຽມຢາມຂອງການນຳຂັ້ນສູງສອງປະເທດ, ເພີ່ມທະວີຄວາມສະໜິດຕິດພັນລະຫວ່າງສອງພື້ນຖານເສດຖະກິດ ແລະ ການເຊື່ອມຕໍ່ລະບົບສະໜອງ ຫວຽດນາມ ອາຊຽນ ການາດາ ອາເມລິກາລາຕິນເໜືອ.
