(vovworld) – ໃນ​ອາທິດ​ຜ່ານ​ມາ, ພາກ​ພາສາ​ລາວ ວິທະຍຸ​ກະຈາຍສຽງ ຫວຽດນາມ ​ໄດ້​ຮັບ​ຈົດໝາຍ, ອີ​ແມວ, ​ໂທລະສັບ ຈາກ​ທ່ານ​ຜູ້​ຟັງ​ລາວ ​ແລະ ຫວຽດນາມ ຫຼາຍ​ທ່ານ. ພວກ​ຂ້າພະ​ເຈົ້າ​ຂໍຄັດ​​ສະ​ເໜີ​ເນື້ອ​ໃນ​ ຈົດໝາຍ, ອີ​ແມວ, ​ໂທລະສັບ ​ແລະ ຕອບ​ບາງ​ຄຳ​ຖາມ​ເຊິ່ງທ່ານ​ຜູ້​ຟັງ​​ຝາກ​ມາ​ໃຫ້​ລາຍການ. ​ ເພື່ອນ ສຸດ​ທະ​ສອນ ​ເຄືອບ​ຄຳ​ວອນ, ຮອງ​​ເລຂາ​ຫ້ອງການ​ສະຫະພັນ​ກຳມະ​ບານ​ນະຄອນຫຼວງ​ວຽງ​ຈັນ ໂທລະສັບ​ມາ​ຫາ​ລາຍການ ​​ສະ​ແດງ​ຄວາມ​ຂອບ​ອົກຂອບ​ໃຈວິ​ທະ​ຍຸ​ກະ​ຈາຍ​ສຽງ​ຫວຽດ​ນາມ​ລະ​ບົບ VOV5 ​​​ໄດ້​ຝາກ​ຂອງຂວັນ ​ແລະ ​ໃບ​ຢັ້ງຢືນ​ຜູ້​ຟັງ​ວິທະຍຸ​ຕະຫຼອດ 3 ປີ ໃຫ້​ເພື່ອນ, ພ້ອມ​ທັງ​ອວຍພອນ​ໃຫ້​ລາຍການ​ກະ​ຈາ​ຍສຽງ​ພາກ​ພາສາ​ລາວ, ກໍ່​ຄື​ວິທະຍຸ​ກະຈາຍສຽງ​ຫວຽດນາມ ນັບ​ມື້​ນັບ​ພັດທະນາ, ມີ​ຂ່າວ, ບົດ​ຂຽນ​ມ່ວນ​ຫຼາຍ​ບົດ​ເພື່ອ​ຮັບ​ໃຊ້​ຜູ້​ຟັງ.