ດ້ວຍຈຳນວນຜູ້ໂຫຼດເກມ (game) ທົ່ວໂລກໃນປີ 2025 ບັນລຸ 8,5 ຕື້ເທື່ອ, ຂະແໜງເກມ ຫວຽດນາມ ພວມມີລະດັບຄວາມໄວພັດທະນານອນໃນກຸ່ມສູງສຸດໃນທົ່ວໂລກ. ບໍ່ພຽງແຕ່ເຕີບໂຕກ່ຽວກັບຈຳນວນຜູ້ຫຼີ້ນເທົ່ານັ້ນ, ລາຍຮັບຂອງບັນດາບໍລິສັດຈຳໜ່າຍ ຫວຽດ ກໍພວມເພີ່ມຂຶ້ນເຖິງ 69% ໃນປີຜ່ານມາ. ເມື່ອເກມຖືກຈັດເຂົ້າກຸ່ມຂະແໜງອຸດສາຫະກຳວັດທະນະທໍາຈຸດສຸມ ແລະ ນັບມື້ນັບມີຫຼາຍກຸ່ມບໍລິສັດເຕັກໂນໂລຢີສາກົນເຂົ້າຮ່ວມຕະຫຼາດ ຫວຽດນາມ, ຂະແໜງເກມ ພວມຢືນຢູ່ຕໍ່ໜ້າໂອກາດໃຫຍ່ເພື່ອກາຍເປັນເສົາຄ້ຳຂອງເສດຖະກິດດີຈີຕອນ ແລະ ຂົງເຂດສົ່ງອອກເນື້ອຫາດີຈີຕອນທີ່ມີຂອບຂະໜາດຕື້ USD.
ຕາມຂໍ້ມູນທີ່ໄດ້ປະກາດຢູ່ Vietnam GameVerse ປີ 2026, ໄລ່ສະເພາະຢູ່ຂະແໜງ mobile game, ປີ 2025 ໃນທົ່ວໂລກໄດ້ມີການດາວໂຫຼດເກມ ຫວຽດ 4,9 ຕື້ເທື່ອ. ໃນນັ້ນ, ມີປະມານ 95% ການດາວໂຫຼດແມ່ນມາຈາກຜູ້ຊົມໃຊ້ສາກົນ. ປັດຈຸບັນ, ຫວຽດນາມ ຍັງມີຫຼາຍກວ່າ 210 studio ເກມ ເຄື່ອນໄຫວທີ່ດີ, ມີກວ່າ 27.000 ເກມ ຫາກໍ່ຈຳໜ່າຍໃນປີ 2025 ແລະ ຈັດຢູ່ໃນອັນດັບທີ 6 ໃນໂລກ ກ່ຽວກັບລະດັບຄວາມໄວໃນການເຕີບໂຕບໍລິສັດຈຳໜ່າຍເກມ. ນະໂຍບາຍແມ່ນໜຶ່ງໃນບັນດາປັດໄຈສຳຄັນທີ່ສຸດທີ່ເຮັດໃຫ້ຂະແໜງ ເກມ ຫວຽດ ມີການປ່ຽນແປງໃນໄລຍະມໍ່ໆມານີ້. ທ່ານ ເລກວາງຕື້ຢໍ, ຫົວໜ້າກົມວິທະຍຸ, ໂທລະພາບ ແລະ ຂໍ້ມູນຂ່າວສານທາງເອເລັກໂຕນິກ, ໃຫ້ຮູ້ວ່າ:
“ເປັນຄັ້ງທຳອິດທີ່ພັກ, ລັດຖະບານ, ສະພາແຫ່ງຊາດ ຫວຽດນາມ ໄດ້ປະກາດໃຊ້ບັນດາມະຕິຍຸດທະສາດ, ນະໂຍບາຍ ຢັ້ງຢືນຂະແໜງ ເກມ ແມ່ນໜຶ່ງໃນ 6 ຂະແໜງອຸດສາຫະກຳວັດທະນະທຳຈຸດສຸມ ທີ່ຕ້ອງສຸມໃສ່ລົງທຶນ ແລະ ພັດທະນາ. ຊ້ຳບໍ່ໜຳ, ສະພາແຫ່ງຊາດ ຍັງຍົກເວັ້ນອາກອນສຳລັບບັນດາອົງການຈັດຕັ້ງ, ວິສາຫະກິດທີ່ລົງທຶນຜະລິດ ເກມ ຫວຽດ ກ່ຽວກັບປະຫວັດສາດ ແລະ ວັດທະນະທຳ ອີກດ້ວຍ”.
ການປັບປຸງນະໂຍບາຍ ໄດ້ສ້າງເປັນຈິດຕະສາດທີ່ຕັ້ງໜ້າໃຫ້ແກ່ປະຊາຄົມວິສາຫະກິດ ເກມ. ໃນຊຸມປີມໍ່ໆມານີ້, ມີຫຼາຍ studio ຫວຽດນາມ ເລີ່ມເປີດກວ້າງຂອບຂະໜາດ, ການລົງທຶນເຂົ້າໃນເຕັກໂນໂລຢີ, ຊັບພະຍາກອນມະນຸດ ແລະ ສ້າງຜະລິດຕະພັນໄລຍະຍາວຢ່າງມີແບບມີແຜນກວ່າ ແທນໃຫ້ການທີ່ມີພຽງແຕ່ສຸມໃສ່ການຈຳໜ່າຍອອກໄວ. ຖ້າໃນເມື່ອກ່ອນ, ຫວຽດນາມ ໄດ້ຮັບຖືວ່າແມ່ນຕະຫຼາດທີ່ມາແຮງກ່ຽວກັບການຜະລິດ ເກມ ລາຄາຖືກ, ປັດຈຸບັນນີ້ ເປົ້າໝາຍດັ່ງກ່າວໄດ້ມີການປ່ຽນແປງ: ສ້າງບັນດາຜະລິດຕະພັນທີ່ມີຄວາມອາດສາມາດດຶງດູດໃຈຜູ້ຫຼີ້ນໄດ້ດົນກວ່າ, ສ້າງເຄື່ອງໝາຍການຄ້າ ແລະ ເພີ່ມລາຍຮັບແບບຍືນຍົງ. ທ່ານ Giuseppe Stasolla, ຜູ້ອຳນວຍການຝ່າຍລະບົບນິເວດ Google Play ພາກພື້ນ ອາຊີຕາເວັນອອກສ່ຽງໃຕ້, ອົດສະຕາລີ ແລະ ນູແວນເຊລັງ, ໃຫ້ຮູ້ວ່າ:
“ໃນປີ 2025, ການດາວໂຫຼດຢູ່ ຫວຽດນາມ ອາດມີການເຕີບໂຕແຮງກວ່າປີ 2024 ແລະ ບັນລຸລະດັບ 8,5 ຕື້ ເທື່ອໃນທົ່ວໂລກ, ຖ້າທຽບກັບປີ 2024 ແມ່ນມີການເຕີບໂຕ 39%. ນີ້ແມ່ນຜົນງານອັນຍິ່ງໃຫຍ່. ລາຍຮັບຂອງບັນດາບໍລິສັດຈຳໜ່າຍແອັບຟຼີເຄຊັນ ຫວຽດນາມ ບັນລຸການເຕີບໂຕ 69%. ນີ້ແມ່ນຈຸດເວລາແກ່ນສານ. ປັດຈຸບັນ, ຫວຽດນາມ ພວມມີການຫັນປ່ຽນເພື່ອກາຍເປັນຕະຫຼາດທີ່ເຕີບໃຫຍ່. ພວກເຮົາພວມຫັນປ່ຽນຈາກການແຂ່ງຂັນດ້ານປະລິມານໄປສູ່ການແຂ່ງຂັນດ້ານຄຸນຄ່າ”.
ໃນຍຸດທະສາດຫັນເປັນດີຈີຕອນແຫ່ງຊາດ, ເກມ ໄດ້ຮັບຖືວ່າແມ່ນຂະແໜງທີ່ມີຄວາມອາດສາມາດແຜ່ກະຈາຍເຕັກໂນໂລຢີຢ່າງແຮງ, ຊຸກຍູ້ການພັດທະນາ AI, Graphic, cloud computing, ການຊຳລະດີຈີຕອນ ແລະ ລະບົບນິເວດປະດິດຄິດສ້າງດີຈີຕອນ. ພາຍຫຼັງການພັດທະນາດ້ວຍທ່າໄດ້ປຽບທາງດ້ານເຕັກນິກ ແລະ ລະດັບຄວາມໄວມາຫຼາຍປີ, ໄລຍະຕໍ່ໄປຂອງ ເກມ ຫວຽດ ໄດ້ຮັບຖືວ່າແມ່ນການແກ້ງແຍ້ງກ່ຽວກັບດ້ານແນວຄິດ, ເນື້ອໃນ ແລະ ຄວາມອາດສາມາດສ້າງເຄື່ອງໝາຍການຄ້າ IP ສະເພາະ. ໃນສະພາບການນັ້ນ, ມີວິສາຫະກິດ ຫວຽດນາມ ຈຳນວນໜຶ່ງ ໄດ້ເລີ່ມໄປຕາມທິດທາງນີ້ ດ້ວຍການນຳປັດໄຈວັດທະນະທຳ ຫວຽດ ເຂົ້າໃນ ເກມ. ທ່ານ ຫງວຽນງອກບ໋າວ, ຜູ້ອຳນວຍການໃຫຍ່ VTC ເກມ, ໃຫ້ຮູ້ວ່າ:
“ຖ້າຫາກວ່າ ພວກເຮົາມີຈຸດລວມແມ່ນຢາກແຜ່ກະຈາຍວັດທະນະທຳຂອງ ຫວຽດນາມ ອອກສູ່ໂລກ, ເວລານັ້ນ ເຂົາເຈົ້າຈະມີເປົ້າໝາຍລວມອັນດຽວກັນ, ມີເສັ້ນທາງເດີນສະເພາະຂອງ ຫວຽດນາມ ແລະ ຮ່ວມຈິດຮ່ວມໃຈກັນ. ເວລານັ້ນ ຫວຽດນາມ ຈະມີຄວາມເຂັ້ມແຂງ. ເມື່ອເວົ້າເຖິງ ເກມ ໃດໜຶ່ງ, ເຮົາຈະຈື່ເລີຍວ່າ ເກມນັ້ນ ໂດຍຊາວ ຫວຽດນາມ ຜະລິດ”.
ພ້ອມກັບການພັດທະນາຂອງຕະຫຼາດ, ກະແສທຶນສາກົນ ກໍພວມສົນໃຈເຖິງ ເກມ ຫວຽດນາມ ຫຼາຍຂຶ້ນ, ໂດຍໄດ້ສະແດງອອກທີ່ເລື່ອງໃນ ປີຜ່ານມາ ໄດ້ປະກົດມີຫຼາຍອົງການການຄ້າ ລົງທຶນເຂົ້າ ແລະ M&A (ການຊື້ຂາຍ ແລະ ໂຮມວິສາຫະກິດເຂົ້າກັນ) ທີ່ມີມູນຄ່າສູງໃນຂົງເຂດ ເກມ. ສິ່ງດັ່ງກ່າວໄດ້ສ່ອງແສງໃຫ້ແກ່ເລື່ອງບັນດາກອງທຶນລົງທຶນສາກົນເລີ່ມຮັບຮູ້ ຫວຽດນາມ ແມ່ນສູນພັດທະນາ ເກມ ແຫ່ງໃໝ່ຂອງພາກພື້ນແລ້ວ. ທ່ານ Adam Seldow, ຜູ້ອຳນວຍຂັ້ນສູງຝ່າຍນະໂຍບາຍການສຶກສາຂອງ Roblox, ໃຫ້ຮູ້ວ່າ:
“ປີ 2025, ພື້ນຖານເສດຖະກິດປະດິດຄິດສ້າງໃນ Roblox ໄດ້ເບີກຈ່າຍເງິນໃຫ້ບັນດາບໍລິສັດພັດທະນາ 1,6 ຕື້ USD, ດ້ວຍຈຳນວນຜູ້ຫຼີ້ນ ເກມ ກວ່າ 132 ລ້ານຄົນຕໍ່ວັນ. ຜົນງານນີ້ ມີການປະກອບສ່ວນຢ່າງໃຫຍ່ຫຼວງຈາກບັນດາບໍລິສັດພັດທະນາ ຫວຽດນາມ, ຜູ້ທີ່ໄດ້ປະກອບສ່ວນສ້າງຄວາມເຂັ້ມແຂງກ່ຽວກັບຈຳນວນຊົ່ວໂມງຫຼີ້ນໃນ Roblox”.
ປັດຈຸບັນ, ຂະແໜງ ເກມ ທົ່ວໂລກ ມີລາຍຮັບເກືອບ 200 ຕື້ USD ຕໍ່ປີ ແລະ ສືບຕໍ່ມີການເຕີບໂຕຢ່າງແຮງຍ້ອນການພັດທະນາຂອງໂທລະສັບມືຖື, AI ແລະ ພື້ນຖານເສດຖະກິດປະດິດຄິດສ້າງດີຈີຕອນ. ໃນສະພາບການນັ້ນ, ຫວຽດນາມ ພວມມີເງື່ອນໄຂສະດວກເພື່ອກາຍເປັນສູນຜະລິດເນື້ອຫາດີຈີຕອນ ແລະ ພັດທະນາ ເກມ ຂອງພາກພື້ນອາຊີຕາເວັນອອກສ່ຽງໃຕ້, ປະກອບສ່ວນນັບມື້ນັບຫຼາຍເຂົ້າໃນເປົ້າໝາຍພັດທະນາເສດຖະກິດດີຈີຕອນແຫ່ງຊາດ./
