(VOVWORLD) -ກອງປະຊຸມສຸດຍອດອາຊຽນ ຄັ້ງທີ 36 ໄດ້ດຳເນີນໃນວັນທີ 26 ມິຖຸນາ, ເຊິ່ງໄດ້ປຶກສາຫາລືຫຼາຍເນື້ອໃນທີ່ສຳຄັນ ແລະກ່ຽວຂ້ອງເຖິງບັນດາບັນຫາ ທີ່ພາກພື້ນ ອາຊຽນພວມປະເຊີນໜ້າ ໃນ ປັດຈຸບັນກໍ່ຄືຢັ້ງຢືນການພັດທະນາ, ຄວາມສະໜິດຕິດພັນ ຂອງ ປະຊາຄົມອາຊຽນ. ໂດຍບໍ່ຫົວຊາຕໍ່ຄວາມຫຍຸ້ງຍາກ ຈາກໂລກລະບາດ Covid – 19, ຫວຽດນາມ ຍັງເສີມຂະຫຍາຍບົດບາດເປັນປະທານອາຊຽນໄດ້ເປັນຢ່າງດີ ແລະ ມີບັນດາບາດກ້າວຢ່າງຖືກທິດ, ຊ່ວຍຍູ້ແຮງຄວາມສາມັກຄີ ແລະ ຄວາມເຫັນດີເປັນເອກະພາບພາຍໃນກຸ່ມ, ຮັກສາສະພາບແວດລ້ອມແຫ່ງສັນຕິພາບ, ຄວາມໝັ້ນຄົງ ແລະ ສະຖຽນລະພາບໃນພາກພື້ນ.