(VOVWORLD) -ວັນທີ 8 ມິຖຸນາ, ສະພາແຫ່ງຊາດຫວຽດນາມ ໄດ້ຮັບຮອງເອົາມະຕິວ່າດ້ວຍການໃຫ້ສັດຕະຍາບັນສັນຍາການຄ້າເສລີລະຫວ່າງຫວຽດນາມ ແລະ ອີຢູ (EVFTA) ແລະ ສັນຍາອາລັກຂາການລົງທຶນລະຫວ່າງຫວຽດນາມ ກັບບັນດາປະເທດສະມາຊິກຂອງ ອີຢູ (EVIPA) ຢ່າງເປັນທາງການ. ນີ້ແມ່ນໝາກຜົນແຫ່ງປະຫວັດສາດ, ອັນໄດ້ສ້າງ ເປັນຂີດໝາຍສໍາຄັນໃຫ້ແກ່ການພົວພັນລະຫວ່າງຫວຽດນາມ - ອີຢູ ເວົ້າລວມ ແລະ ເປີດກາລະໂອກາດພັດທະນາ ແລະ ເຊື່ອມໂຍງຂອງຫວຽດນາມ ໃນໄລຍະຈະມາເຖິງ.