ພຸດທະສາສະໜາຫວຽດນາມ ເພື່ອໂລກແຫ່ງສັນຕິພາບ ແລະ ພັດທະນາ
13/05/2019 09:05
(VOVWORLD) - ນັບແຕ່ປີ 2000 ມາຮອດປັດຈຸບັນ, ວັນບຸນວິສາຂະບູຊາ Vesak ສປຊ ຖືກຈັດຂຶ້ນຢູ່ຫຼາຍປະເທດໃນໂລກ. ສໍາລັບຫວຽດນາມ, ວັນບຸນວິສາຂະບູຊາ Vesak 2019 ແມ່ນວັນບຸນຄັ້ງທີ 3 ເຊິ່ງຫວຽດນາມເປັນເຈົ້າພາບຈັດຕັ້ງ. ດ້ວຍຈໍານວນຜູ້ແທນພຸດທະສາສະໜາຢ່າງຫຼວງຫຼາຍ ທີ່ມາຈາກ 112 ປະເທດ ແລະ ເຂດແຄວ້ນ, ນີ້ແມ່ນງານບຸນທາງສາສະໜາຂອງໂລກຢ່າງແທ້ຈິງ. ເຫດການດັ່ງກ່າວ ໄດ້ສະແດງໃຫ້ເຫັນວ່າ ພຸດທະສາສະໜາຫວຽດນາມ ພວມນັບມື້ນັບເຊື່ອມໂຍງຢ່າງຕັ້ງໜ້າ ເພື່ອໂລກແຫ່ງສັນຕິພາບ ແລະ ພັດທະນາແບບຍືນຍົງ. ບົດຂຽນຂອງນັກຂ່າວ ທູຖ໋າວ.
ດ້ວຍຫົວຂໍ້ວ່າ “ວິທີສໍາຜັດຂອງພຸດທະສາສະໜາ ກ່ຽວກັບການນໍາພາທົ່ວໂລກ ແລະ ຄວາມຮັບຜິດຊອບພ້ອມກັນແບ່ງປັນ ເພື່ອສັງຄົມທີ່ໝັ້ນຄົງ” ວັນບຸນວິສາຂະບູຊາ Vesak ສປຊ ປີ 2019 ຖືກຈັດຂຶ້ນຢູ່ຫວຽດນາມ ແມ່ນໂອກາດເພື່ອໃຫ້ໂລກສະແດງຄວາມຕັດສິນໃຈ ພ້ອມກັນຮ່ວມແຮງຮ່ວມໃຈສ້າງສັນຕິພາບ. ດ້ວຍທຸກສິ່ງທຸກຢ່າງທີ່ໄດ້ ແລະ ພວມດໍາເນີນໄປນັ້ນ, ວັນບຸນວິສາຂະບູຊາ Vesak 2019 ແມ່ນໂອກາດເພື່ອໃຫ້ພຸດທະສາສະນິກກະຊົນແຕ່ລະຄົນເຊີດຊູພະພຸດທະເຈົ້າ ແລະ ຄໍານຶງເຖິງສັດຈະທໍາສັນຕິພາບ, ຫຼຸດຜ່ອນການປະທະກັນ ແລະ ຄວາມເຈັບປວດຂອງມວນມະນຸດ, ຍ້ອງຍໍຊົມເຊີຍ ແລະ ຊຸກຍູ້ໄມຕີຈິດມິດຕະພາບການຮ່ວມມືລະຫວ່າງບັນດາປະເທດ.
TAG
VOV/VOVworld/ສັນຕິພາບ/ພັດທະນາ/ວັນບຸນວິສາຂະບູຊາ Vesak
Related
More
