(VOVWORLD) -ໂຮງລະຄອນເວທີນ້ອຍໆ 5 B ຫວໍວັນເຕິ່ນ, ນະຄອນ ໂຮ່ຈີມິນ ຫາກໍ່ສະແດງບົດລະຄອນ “ຮ່ອງຮອຍເດີມ“, ຂອງນັກແຕ່ງລະຄອນ ຫງວຽນແທງບິ່ງ, ຜູ້ກຳກັບການສະແດງ, ນັກສິລະປິນດີເດັ່ນ ເຈິ່ນມິງງອກ. ດ້ວຍບັນດານັກສະແດງທີ່ມີຄວາມເກັ່ງກ້າສາມາດ, ເຮັດວຽກງານສິລະປະຢ່າງມີຫົວຄິດປະດິດສ້າງ, ບົດລະຄອນໄດ້ປະກອບສ່ວນວາດພາບຮູບພາບລຸງ ໂຮ່ (ປະທານ ໂຮ່ຈີມິນ)ຜູ້ນຳທີ່ມີການດຳລົງຊີວິດຢ່າງລຽບງ່າຍ, ມີຄວາມໃກ້ຊິດສະໜິດສະໜົມກັບປະຊາຊົນ. ບົດລະຄອນໄດ້ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ຜູ້ຊົມ ແລະ ໄດ້ຮັບການຕ້ອນຮັບຢ່າງອົບອຸ່ນສຸດຈິດສຸດໃຈຈາກມະຫາຊົນ.