 ກອງປະຊຸມຂັ້ນລັດຖະມົນຕີການຕ່າງປະເທດຈັດກຽມໃຫ້ກອງປະຊຸມສຸດຍອດ ອາຊຽນ ຄັ້ງທີ 31 |
ໂດຍໄດ້ຮັບການມອບສິດຈາກທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຟ້າມບີງມິງ, ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນກວກຢຸງ ຫົວໜ້າ SOM ASEAN ຫວຽດນາມ ນຳໜ້າຄະນະຜູ້ແທນ ຫວຽດນາມ ເຂົ້າຮ່ວມບັນດາກອງປະຊຸມຄັ້ງນີ້.
ກ່າວຄຳເຫັນທີ່ບັນດາກອງປະຊຸມ, ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນກວກຢຸງ ຕີລາຄາສູງຄວາມມານະພະຍາຍາມຂອງ ຟີລິບປີນ ດ້ວຍຖານະເປັນປະທານ ອາຊຽນ 2017 ແລະ ສະແດງຄວາມເຊື່ອໝັ້ນຕໍ່ຜົນສຳເລັດຂອງບັນດາກອງປະຊຸມຄັ້ງນີ້. ທ່ານຮອງລັດຖະມົນຕີການຕ່າງປະເທດ ຫງວຽນກວກຢຸງ ເນັ້ນໜັກວ່າ ໃນໄລຍະຈະມາເຖິງ ອາຊຽນ ຄວນຖືຄຸນນະພາບ ແລະ ປະສິດທິຜົນການຮ່ວມສຳພັນເປັນຕົ້ນຕໍ, ຜັນຂະຫຍາຍບັນດາມາດຕະການ ເພື່ອແນໃສ່ຮັບໃຊ້ໃຫ້ຄວາມຮຽກຮ້ອງຕ້ອງການຂອງປະຊາຊົນໄປຄຽງຄູ່ກັບການສ້າງຄວາມສະດວກໃຫ້ການພັດທະນາຂອງວິສາຫະກິດ ອາຊຽນ, ຊຸກຍູ້ການເຕີບໂຕແບບຍືນຍົງຢ່າງແທດຈິງ.
