ກອງປະຊຸມຄັ້ງທີ 20 ຄະນະກຳມະການແຫ່ງຊາດກ່ຽວກັບ ຊາວໜຸ່ມຫວຽດນາມ
(vovworld) - ວັນທີ 16/2, ຢູ່ຮ່າໂນ້ຍ, ຄະນະກຳມະການແຫ່ງຊາດກ່ຽວກັບຊາວໜຸ່ມຫວຽດນາມ ໄດ້ຈັດຕັ້ງກອງປະຊຸມຄົບຄະນະຄັ້ງທີ 20 ເພື່ອປຶກສາຫາລື, ປະກອບຄຳເຫັນເຂົ້າບົດລາຍງານໝາກຜົນແຫ່ງການປະຕິບັດງານປີ 2011 ແລະ ແຜນການປະຕິບັດງານປີ 2012. ທີ່ກອງປະຊຸມ, ບັນດາຜູ້ແທນໄດ້ເປັນເອກະພາບທີ່ຖືວ່າ: ໃນປີ 2012 ການເຄື່ອນໄຫວຂອງຄະນະກຳມະການແຫ່ງຊາດກ່ຽວກັບຊາວໜຸ່ມຫວຽດນາມ ຄວນສຸມໃສ່ເຂົ້າ 3 ເນື້ອໃນສຳຄັນໃນນັ້ນມີການ ສືກສາດ້ານແນວຄິດ, ຄຸນສົມບັດ, ແບບແຜນດຳລົງຊີວິດທີ່ໂປ່ງໃສໃຫ້ແກ່ຊາວໜຸ່ມ, ເອົາໃຈໃສ່ບຳລຸງສ້າງວິຊາຊີບ ແລະ ແກ້ໄຂວຽກເຮັດງານທຳໃຫ້ແກ່ຊາວໜຸ່ມ. ກ່າວຄຳເຫັນຊີ້ນຳກອງປະຊຸມ, ທ່ານຮອງນາຍົກລັດຖະມົນຕີຫວຽດນາມ ຫງວຽນທ້ຽນເຍີນ ເນັ້ນໜັກເຖິງເລື່ອງ ຄະນະກຳມະການຄວນເປັນເຈົ້າການສົມທົບກັບບັນດາກະຊວງ, ຂະແໜງການທີ່ກ່ຽວຂ້ອງ, ເປັນເສນາທິການຜັນຂະຫຍາຍການປະຕິບັດຍຸດທະສາດພັດທະນາຊາວໜຸ່ມຫວຽດນາມໄລຍະ 2011 – 2020, ທ່ານກ່າວວ່າ:
“ຄະນະຊາວໜຸ່ມກອມມູນິດ ໂຮ່ຈີມິນ, ຄະນະກຳມະການແຫ່ງຊາດຊາວໜຸ່ມຫວຽດນາມ ແລະ ກະຊວງພາຍໃນຈະແມ່ນບັນດາຫົວໜ່ວຍປະຕິບັດ, ຕິດຕາມກວດກາ ແລະ ເປັນເສນາທິການຊ່ວຍລັດຖະບານປະຕິບັດຍຸດທະສາດຊາວໜຸ່ມໃນໄລຍະນີ້ເປັນຢ່າງດີ. ນີ້ແມ່ນສິ່ງ ເຊິ່ງພວກເຮົາຕ້ອງຫັນເປັນລະອຽດຕື່ມໃນປີ 2012 ເພື່ອໃຫ້ການປະຕິບັດຍຸດທະສາດບັນລຸປະສິທິຜົນໃນເບື້ອງຕົ້ນ”
ທ່ານຮອງນາຍົກລັດຖະມົນຕີ ຫງວຽນທ້ຽນເຍີນ ກໍຮຽກຮ້ອງໃຫ້ກະຊວງພາຍໃນ ຍືນສະເໜີຕໍ່ນາຍົກລັດຖະມົນຕີ ກໍ່ສ້າງໂຄງການເຄື່ອນໄຫວປະຕິບັດຍຸດທະສາດ ດ້ວຍບັນດາວຽກງານລະອຽດ, ເໝາະສົມກັບຊາວໜຸ່ມ ແລະ ສະພາບການຂອງແຕ່ລະທ້ອງຖີ່ນ, ພ້ອມກັນນັ້ນກໍຍົກອອກບັນດານະໂຍບາຍໜູ່ນຊ່ວຍຕື່ມອີກ ເພື່ອຮັບປະກັບລັກສະນະເປັນໄປໄດ້ຂອງໂຄງການ.
