ກອງປະຊຸມຊີນຳປີສາມັກຄີມິດຕະພາບ ຫວຽດນາມ - ລາວ
( http://baodientu.chinhphu.vn )
( vovworld.vn ) ປີ 2012, ຫວຽດນາມ ແລະ ລາວ ຈະຈັດບັນດາການເຄື່ອນໄຫວໃຫຍ່ເນື່ອງໃນໂອກາດສະເໜີມສະເໜອງ 50 ປີ ແຫ່ງວັນສ້າງຕັ້ງສາຍພົວພັນດ້ານການທູດ ແລະ 35 ປີ ແຫ່ງວັນເຊັ່ນສົນທິສັນຍາຮ່ວມມືລະຫວ່າງ 2 ປະເທດ. ການນຳ ຫວຽດນາມ ແລະ ລາວ ໄດ້ເຫັນດີຖືປີ 2012 ແມ່ນ “ ປີສາມັກຄີມິດຕະພາບ ຫວຽດນາມ - ລາວ ”. ໃນກອງປະຊຸມເມື່ອຕອນເຊົ້າວັນທີ 6 ກຸມພາຢູ່ ຮ່າໂນ້ຍ. ຄະນະຊີ້ນຳແຫ່ງຊາດ “ ປີສາມັກຄີມິດຕະພາບ ຫວຽດນາມ - ລາວ ” ໃຫ້ຮູ້ວ່າ ບັນດາການເຄື່ອນໄຫວສະເໜີມສະຫຼອງຈະດຳເນີນໃນທົ່ວປະເທດ, ສະແດງໃຫ້ເຫັນສາຍພົວພັນອັນເລິກເຊິ່ງທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຢ່າງຮອບດ້ານລະຫວ່າງ ຫວຽດນາມ - ລາວ. ການເຄື່ອນໄຫວຈະຖືກດຳເນີນໄປແຕ່ຕົ້ນເດືອນກໍລະກົດຮອດທ້າຍເດືອນກັນຍາປີ 2012 ເຊິ່ງລວມມີ, ການຢ້ຽມຢາມຂັ້ນສູງລະຫວ່າງ 2 ປະເທດ, ງານໂຮມຊຸມນູມມິດຕິງທີ່ຈັດຂື້ນຢ່າງຊົມກຽດຢູ່ນະຄອນຫຼວງ ຮ່າໂນ້ຍ ແລະ ນະຄອນຫຼວງ ວຽງຈັນໃນວັນທີ 18 ກໍລະກົດ, ມອບຫຼຽນໄຊ, ຫຼຽນກາໃຫ້ແກ່ບັນດາການນຳ, ພະນັກງານຂອງ 2 ປະເທດ, ບັນດາການເຄື່ອນໄຫວພົບປະແລກປ່ຽນຂອງບັນດາກະຊວງ, ຂະແໜງການ ແລະ ທ້ອງຖີ່ນຕ່າງໆ, ບັນດາການເຄື່ອນໄຫວພົວພັນແລກປ່ຽນດ້ານວັດທະນະທຳ, ສິນລະປະ ແລະ ກິລາ, ເພີ່ມທະວີການຮ່ວມມືດ້ານການເສດຖະກິດ, ການຄ້າ… ສະຫຼຸບກອງປະຊຸມ, ທ່ານ ເລຮົ່ງແອງ, ກຳມະການກົມການເມືອງ, ຜູ້ປະຈຳການຄະນະເລຂາສູນກາງພັກ, ປະທານຄະນະຊີ້ນຳໄດ້ຢືນຢັນວ່າ “ ປີສາມັກຄີ ຫວຽດນາມ - ລາວ ” ຕ້ອງເປັນຂີດໝາຍ ແລະ ສ້າງບາດກ້າວຫັນປ່ຽນກ່ຽວກັບສະຕິຄວາມຮັບຮູ້ຢູ່ບັນດາກະຊວງ, ຂະແໜງການ, ທ້ອງຖີ່ນ ແລະ ໝູ່ມະຫາຊົນຂອງ 2 ປະເທດກ່ຽວກັບສາຍພົບພັນແບບພິເສດທີ່ເປັນມູນເຊື້ອລະຫວ່າງ ຫວຽດນາມ - ລາວ.
