( vovworld ) - ວັນທີ 2/3, ກຳມາທິການ ວິທະຍາສາດ, ເຕັກໂນໂລຊີ ແລະ ສິ່ງແວດລ້ອມສະພາແຫ່ງຊາດຫວຽດນາມ ໄດ້ຈັດຕັ້ງກອງປະຊຸມທາບທາບຄຳເຫັນບັນດານັກຄຸ້ມຄອງ, ນັກວິທະຍາສາດ, ບັນດາຜູ້ຊ່ຽວຊານ ກ່ຽວກັບການປະຕິບັດນະໂຍບາຍ, ກົດໝາຍວ່າດ້ວຍການຄຸ້ມຄອງ ແລະ ຂຸດຄົ້ນແຮ່ທາດ, ວຽກງານຮັກສາສິ່ງແວດລ້ອມໃນການເຄື່ອນໄຫວຂຸດຄົ້ນແຮ່ທາດຢູ່ຫວຽດນາມ. ກ່າວຄຳເຫັນໜ້າທີ່ນີ້, ທ່ານນາງຮອງປະທານສະພາແຫ່ງຊາດ ຫງວຽນທິກິມເງິນ ເນັ້ນໜັກວ່າ ການປະຕິບັດນະໂຍບາຍ, ກົດໝາຍກ່ຽວກັບການຂຸດຄົ້ນແຮ່ທາດ, ຕິດພັນກັບການຮັກສາສິ່ງແວດລ້ອມແມ່ນບັນຫາສຳຄັນ, ໄດ້ຖືກນຳເຂົ້າໂຄງການຕິດຕາມກວດກາຂອງສະພາແຫ່ງຊາດປີ 2012. ຫວຽດນາມ ມີແຫຼ່ງຊັບພະຍາກອນ, ແຮ່ທາດທີ່ອຸດົມສົມບຸນ, ຫຼາຍຮູບຫຼາຍແບບ, ມີຄຸນຄ່າ. ເພື່ອໃຫ້ແຮ່ທາດກາຍເປັນແຫຼ່ງຊັບພະຍາກອນຢ່າງແທ້ຈິງຂອງປະເທດ, ພັກ, ລັດ ໄດ້ປະກາດໃຊ້ນະໂຍບາຍ, ກົດໝາຍຫຼາຍສະບັບເພື່ອສົ່ງເສີມ, ພັດທະນາການເຄື່ອນໄຫວຂຸດຄົ້ນແຮ່ທາດ, ຊຸກຍູ້ການພັດທະນາເຕັກໂນໂລຊີ ຂຸດຄົ້ນແຮ່ທາດແບບຍືນຍົງ.
