(vovworld) - ຕອນເຊົ້າວັນທີ 3/3, ຢູ່ນະຄອນ ຍາຈາງ, ແຂວງ ແຄ໋ງຮ່ວາ, ໄດ້ຈັດກອງປະຊຸມສະຫຼຸດວຽກງານປ້ອງກັນ, ຕ້ານພາຍຸ ແລະ ຊອກຫາ, ກູ້ໄພກູ້ຊີບ ປີ 2011, ແລະ ຜັນຂະຫຍາຍໜ້າທີ່ ປີ 2012. ປີ 2011, ສະພາບໄພທຳມະຊາດໄດ້ຜັນແປໄປຢ່າງສັບສົນ, ອັນໄດ້ສົ່ງຜົນສະທ້ອນບໍ່ດີເຖິງການພັດທະນາເສດຖະກິດ - ສັງຄົມຂອງປະເທດຊາດ ແລະ ຊີວິດຂອງປະຊາຊົນ. ໄພທຳມະຊາດໄດ້ເຮັດໃຫ້ ມີຜູ້ເສຍຊີວິດ ແລະ ຫາຍສາບສູນເກືອບ 300 ຄົນ, ຄວາມເສຍຫາຍດ້ານຊັບສິນແມ່ນກວ່າ 12.000 ຕຶ້ດົ່ງ. ໜ້າທີ່ປີ 2012 ຖືກວາງອອກດ້ວຍບັນດາໂຄງການຈຸດໝາຍອັນລະອຽດ, ໃນນັ້ນປະຕິບັດທິດນຳ ”ເປັນເຈົ້າການປ້ອງກັນ, ຕ້ານ, ຮັບມືຢ່າງທັນການ ແລະ ມີປະສິດທິຜົນ, ໃນນັ້ນຖືການປ້ອງກັນ ແລະ ຕ້ານແມ່ນຕົ້ນຕໍ່”. ທ່ານຮອງນາຍົກລັດຖະມົນຕີ ຮ່ວາງຈູງຫາຍ , ກ່າວວ່າ:
”ບັນດາສູນຊອກຫາ, ກູ້ໄພ, ກູ້ຊີບຂອງພວກເຮົາ ກໍ່ຄືກຳລັງກອງທັບເຮືອ, ຍາມໃດກໍ່ໃຫ້ບຸລິມາສິດແກ່ການກູ້ເອົາຊີວິດມະນຸດ. ແຕ່ກຳລັງ ກ່ຳປັ່ນ, ເຮືອຂອງພວກເຮົາພັດຖືກຈຳກັດຢູ່. ໃນຂະນະໄປກູ້ໄພ, ກູ້ຊີບ, ຖ້າພວກເຮົາພຽງແຕ່ເອົາໃຈໃສ່ເຖິງການກູ້ເອົາຊັບສິນ, ບໍ່ເອົາໃຈໃສ່ເຖິງການກູ້ເອົາປະຊາຊົນ ແມ່ນບໍ່ບັນລຸຈຸດໝາຍທີ່ໄດ້ວາງອອກ”
