( vovworld ) - “ ມູນເຊື້ອ, ເຊື່ອມຕໍ່ປະຊາຊົນ ແລະ ຜຸກຮັດບັນດາພື້ນຖານວັດທະນະທຳເພື່ອມູງໄປເຖິງປະຊາຄົມອາຊຽນ ” ນັ້ນແມ່ນຫົວຂໍ້ຂອງກອງປະຊຸມລັດຖະມົນຕີກະຊວງຖະແຫຼງຂ່າວອາຊຽນຄັ້ງທີ 11 ( AMRI - 11 ) ໄດ້ດຳເນີນໄປໃນວັນທີ 1/3, ຢູ່ Kuala Lumpur ປະເທດມາເລເຊຍ, ກອງປະຊຸມໄດ້ສຸມໃສ່ປຶກສາຫາລືກ່ຽວກັບການມີໜ້າຂອງບັນດາພາຫະນະສື່ມວນຊົນໃໝ່, ພິເສດແມ່ນສື່ສານສັງຄົມເປັນເຄື່ອງມືທີ່ສຳຄັນເພື່ອແລກປ່ຽນ ແລະ ມີການກະທົບເຊິ່ງກັນ ແລະ ກັນໃນອາຊຽນ. ບັນດາລັດຖະມົນຕີກະຊວງຖະແຫຼງຂ່າວອາຊຽນ ໄດ້ເຫັນດີເປັນເອກະພາບໂດຍຖືວ່າ ການສື່ສານດ້ານສັງຄົມແມ່ນຊ່ອງທີ່ມີຜົນປະໂຫຍດເພື່ອເຜີຍແຜ່ຂໍ້ມູນຂ່າວສານ ແລະ ມີຄວາມສຳຄັນທີ່ສຸດໃນການເຊື່ອມຕໍ່ປະຊາຊົນ, ຊຸກຍູ້ຄວາມຮັບຮູ້ກ່ຽວກັບອາຊຽນ ແລະ ເຊື່ອມໂຍງ. ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ຫງວຽນແທ່ນຮືງ, ຫົວໜ້າຄະນະຜູ້ແທນຫວຽດນາມ ໄດ້ເນັ້ນໜັກເຖິງບົດບາດຂອງວຽກງານຖະແຫຼງຂ່າວໃນການຮ່ວມສຳພັນໃນພາກພື້ນ. ທ່ານ ຫງວຽນແທ່ງຮືງ ກໍ່ຖືວ່າ ການສື່ສານໄດ້ຊ່ວຍຜຸກຮັດລະຫວ່າງບັນດາປະເທດໃນປະຊາຄົມອາຊຽນທີ່ມີຄວາມຂະຫຍັນຂັນເຄື່ອນ, ພ້ອມກັນແບ່ງປັນຄວາມຫຍຸ້ງຍາກ, ສິ່ງທ້າທ້າຍ, ການຮ່ວມມືມິດຕະພາບເພື່ອຜົນປະໂຫຍດ, ເພື່ອຄວາມສັນຕິພາບໃນພາກພື້ນ ແລະ ໃນໂລກ.
