ປະທານາທິບໍດີ ສ. ເກົາຫຼີ Lee Myung Bak
(ພາບ: internet)
Vovworld- ວັນທີ 27/3 ບັນດາການນຳໂລກກ້າວເຂົ້າສູ່ວາລະປະຊຸມຄົບຄະນະ ແນໃສ່ຊອກຫາມາດຕະການເພີ່ມທະວີການຮ່ວມມືສາກົນກ່ຽວກັບຄວາມປອດໄພ ດ້ານນິວເຄຼຍ. ການນຳຫຼາຍທ່ານໄດ້ມີບົດປາໄສທີ່ສຳຄັນຕໍ່ກອງປະຊຸມ, ຊຶ່ງເນັ້ນໜັກເຖິງຄວາມປອດໄພດ້ານນິວເຄຼຍ ແລະ ການກະທຳຂອງໂລກເພື່ອອະນາຄົດອັນດີງາມກ່ວາໃຫ້ແກ່ຄົນລຸ່ນຫຼັງ. ກ່າວຄຳເຫັນໄຂກອງປະຊຸມ, ທ່ານປະທານາທິບໍດີ ສ. ເກົາຫຼີ Lee Myung Bak ເນັ້ນໜັກເຖິງຄວາມຕ້ອງການສົມທົບການເຄື່ອນໄຫວສາກົນແນໃສ່ເພີ່ມ ທະວີລະບອບຄວາມປອດໄພດ້ານນິວເຄຼຍທົ່ວໂລກ. ທ່ານຍັງເນັ້ນໜັ້ກເຖິງວິກິດການນິວເຄຼຍຢູ່ຍີ່ປຸ່ນຈາກຜົນພາຍຫຼັງ ຂອງໄພພິບັດທຳມະຊາດເມື່ອປີກາຍ. ທ່ານປະທານາທິບໍດີ ສ. ເກົາຫຼີ Lee Myung Bak ຖືວ່າ ໂລກຄວນສຸມໃສ່ບັນດາມາດຕະການເພີ່ມທະວີ ຄວາມປອດໄພດ້ານນິວເຄຼຍ ແລະ ນີ້ຈະແມ່ນບັນດາຫົວເລື່ອງຄວນເລັ່ງໃສ່ປຶກສາຫາລື ຢູ່ທີ່ກອງປະຊຸມຄັ້ງນີ້.
ທີ່ວາລະປະຊຸມ, ບັນດາການນຳໂລກໄດ້ປຶກສາຫາລືບັນດາໝາກຜົນທີ່ບັນລຸ ມາໄດ້ຢູ່ທີ່ກອງປະຊຸມສຸດຍອດຄວາມປອດໄພດ້ານນິວເຄຼຍທີ່ດຳເນີນຢູ່ ອາເມລິກາເມື່ອ 2010, ປຶກສາຫາລືບັນດາມາດຕະການຮ່ວມມື ແນໃສ່ຮັບມືກັບ ໄພອັນຕະລາຍກໍ່ການຮ້າຍດ້ວຍນິວເຄຼຍ, ມາດຕະການປົກປັກຮັກສາວັດຖຸເພື່ອ ຜະລິດນິວເຄຼຍ ແລະ ອຶ່ນໆ.
