ວັນທີ 29 ທັນວາ, ສຳນັກຂ່າວສານ ສູນກາງ ສປປ.ເກົາຫຼີ (KCNA) ໄດ້ລົງຂ່າວວ່າຜູ້ນຳ Kim Jong Un ໄດ້ລົງຕິດຕາມກວດກາໂດຍກົງ ການຝືກຊ້ອມຍິງທົດລອງລູກສອນໄຟນຳວິຖີຍຸດທະສາດໄລຍະໄກ, ໂດຍໄດ້ດຳເນີນກ່ອນນັ້ນ 1 ວັນຢູ່ເຂດທະເລທາງທິດຕາເວັນຕົກຂອງ ສປປ.ເກົາຫຼີ. ຕາມ KCNA ແລ້ວ, ການຝຶກຊ້ອມເພື່ອແນໃສ່ກວດກາລະດັບຄວາມພ້ອມຕ່າວໂຈມຕີ ແລະ ຄວາມສາມາດສູ້ຮົບຂອງບັນດາກົມກອງຍິງລູກສອນໄຟໄລຍະໄກ, ພ້ອມທັງຕີລາຄາຄວາມໄວ້ເນື້ອເຊື່ອໃຈຂອງລະບົບອາວຸດຍຸດທະສາດທີ່ກ່ຽວຂ້ອງ. KCNA ໄດ້ຄັດສະເໜີຄຳເວົ້າຂອງ ທ່ານ Kim Jong Un ໂດຍຖືວ່າ ໝາກຜົນຂອງການຝືກຊ້ອມນີ້ ສະແດງໃຫ້ເຫັນຄວາມໄວ້ເນື້ອເຊື່ອໃຈ ແລະ ລະດັບຄວາມພ້ອມສູ້ຮົບຂອງກຳລັງຄວາມສາມາດຕ່າວໂຈມຕີຍຸດທະສາດ. ການນຳ Kim Jong Un ຢັ້ງຢືນວ່າ ພັກແຮງງານ ສປປ.ເກົາຫຼີ ແລະ ລັດຖະບານປະເທດນີ້ຈະສືບຕໍ່ຊຸກຍູ້ພັດທະນາກຳລັງສູ້ຮົບຍຸດທະສາດ ໃນໄລຍະຈະມາເຖິງ.
