( vovworld ) - ວັນທີ 9/2, ຕອບຄຳຖາມຂອງນັກຂ່າວທີ່ຢາກໃຫ້ຮູ້ປະຕິກິລິຍາຂອງ ຫວຽດນາມ ຕໍ່ເລື່ອງກະຊວງການຄ້າອາເມລິກາ ຕົກລົງດຳເນີນການສືບສວນເພື່ອຈັດວາງພາສີຕ້ານການຂາຍເສົາໄຟຟ້າໃຊ້ພະລັງແຮງລົມບຸບລາຄານຳເຂົ້າຈາກຫວຽດນາມ, ທ່ານ ເລືອງແທງງີ້, ໂຄສົກກະຊວງການຕ່າງປະເທດ ຫວຽດນາມ ໃຫ້ຮູ້ວ່າ: “ກ່ອນອື່ນໝົດຕ້ອງຢືນຢັນວ່າ ບັນດາບໍລິສັດຫວຽດນາມບໍ່ຂາຍເສົາໄຟຟ້າໃຊ້ພະລັງແຮງລົມບຸບລາຄາເຂົ້າຕະຫຼາດອາເມລິກາ. ເລື່ອງກະຊວງການຄ້າອາເມລິກາ ຕົກລົງດຳເນີນການສືບສວນຕ້ານການຂາຍບຸບລາຄາສຳລັບປະເພດສິນຄ້ານີ້ແມ່ນບໍມີພື້ນຖານ, ສ່ອງແສງບໍ່ຖືກຕ້ອງການເຄືອ່ນໄຫວຜະລິດ ດຳເນີນທຸລະກິດສຳລັບສິນຄ້າປະເພດນີ້ຢູ່ຫວຽດນາມ, ໄປຝືນກັບບັນດາຄຳໝັ້ນສັນຍາຂອງອາເມລິກາ, ພິເສດແມ່ນຢູ່ກອງປະຊຸມ ອາເປກ 19 ເຊິ່ງຈັດຂຶ້ນຢູ່ອາເມລິກາເມື່ອເດືອນ 11/2011 ສຳລັບບັນຫາເຕີບໂຕຂຽວ, ສ້າງເງື່ອນໄຂໃຫ້ການຄ້າສາກົນພັດທະນາ. ພວກຂ້າພະເຈົ້າຄິດວ່າ ກະຊວງການຄ້າອາເມລິກາຄວນແກ້ໄຂບັນຫານີ້ຢ່າງພາວະວິໃສ, ຍຸດຕິທຳ, ເໝາະສົມກັບຈິດໃຈຫັນການຄ້າເປັນເສລີ ແລະ ບັນດາຄຳໝັ້ນສັນຍາຫຼາຍຝ່າຍ ແລະ ການພົວພັນດ້ານເສດຖະກິດ-ການຄ້າທີ່ພວມພັດທະນາຢ່າງດີງາມໃນປະຈຸບັນລະຫວ່າງຫວຽດນາມ ແລະ ອາເມລິກາ”.
ເສົາໄຟຟ້າໃຊ້ພະລັງແຮງລົມຢູ່ເຈື່ອງຊາ
(ພາບ:hoangsa.org)
