 (ການພົວພັນປ້ອງກັນຊາດ ຫວຽດນາມ - ລາວ ແມ່ນພິເສດຂອງພິເສດ) |
ທ່ານ ເລຂາທິການໃຫຍ່, ປະທານປະເທດ ລາວ ບຸນຍັງ ວໍລະຈິດ ຖືວ່າການຮ່ວມມືດ້ານປ້ອງກັນຊາດລະຫວ່າງສອງປະເທດແມ່ນສາຍພົວພັນແບບພິເສດຂອງນ້ຳໃຈມິດຕະພາບ, ຄວາມສາມັກຄີ ຫວຽດນາມ - ລາວ, ລາວ - ຫວຽດນາມ. ທ່ານ ເລຂາທິການໃຫຍ່, ປະທານປະເທດ ລາວ ໃຫ້ຮູ້ວ່າຈະຊີ້ນຳກະຊວງປ້ອງກັນປະເທດປະຕິບັດບັນດາເນື້ອໃນຮ່ວມມືຢ່າງຂ້ຽວຂາດ, ມີປະສິດທິຜົນ. ສອງຝ່າຍຈະພ້ອມກັນສ້າງເສັ້ນຊາຍແດນສັນຕິພາບ, ມິດຕະພາບ, ພັດທະນາ, ພ້ອມທັງສົມທົບ, ຮ່ວມມືກັນໃຫ້ດີເພື່ອປັບປຸງຊີວິດການເປັນຢູ່ປະຊາຊົນເຂດຊາຍແດນໃຫ້ດີຂື້ນ.
ສ່ວນທ່ານ ລັດຖະມົນຕີ ໂງຊວນລິກ ຢືນຢັນວ່າ: ພັກ, ລັດ, ກອງທັບປະຊາຊົນ ຫວຽດນາມ ຍາມໃດກໍ່ຖືເປັນສຳຄັນການພົວພັນກັບ ລາວ. ທ່ານ ລັດຖະມົນຕີ ໂງຊວນລິກ ເຊື່ອໝັ້ນວ່າ ສອງລັດ, ສອງກົມການເມືອງຈະເອົາໃຈໃສ່ຊຸກຍູ້ການຮ່ວມມືດ້ານປ້ອງກັນຊາດ, ນຳການຮ່ວມມືດ້ານການປ້ອງກັນຊາດສືບຕໍ່ແມ່ນເສົາຄ້ຳໃນການພົວພັນສອງປະເທດ.
ກ່ອນໜ້ານັ້ນ, ໃນຕອນບ່າຍວັນທີ 15 ມັງກອນ, ພິທີຕ້ອນຮັບລັດຖະມົນຕີກະຊວງປ້ອງກັນປະເທດ ຫວຽດນາມ ໂງຊວນລິກ ພ້ອມດ້ວຍຄະນະຜູ້ແທນການທະຫານຂັ້ນສູງ ຫວຽດນາມຢ່າງເປັນທາງການໄດ້ດຳເນີນຢູ່ກະຊວງປ້ອງກັນປະເທດ ລາວ ຢ່າງສົມກຽດ. ໂດຍທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ ລາວ ເປັນເຈົ້າພາບພິທີ. ພາຍຫຼັງພິທີຕ້ອນຮັບ, ສອງກະຊວງໄດ້ດຳເນີນການພົບປະເຈລະຈາ.
ທີ່ການພົບປະເຈລະຈາ, ສອງຝ່າຍຢືນຢັນວ່າ: ການຮ່ວມມືດ້ານປ້ອງກັນຊາດ ຫວຽດນາມ - ລາວ ຍາມໃດກໍ່ກຳນົດວ່າແມ່ນໜຶ່ງໃນບັນດາເສົາຄ້ຳສຳຄັນທີ່ສຸດໃນການພົວພັນສອງປະເທດ. ສອງຝ່າຍເຫັນດີເປັນເອກະພາບຄວນສືບຕໍ່ເພີ່ມທະວີການແລກປ່ຽນບົດຮຽນກ່ຽວກັບວຽກງານພັກວຽກງານການເມືອງ; ເອົາໃຈໃສ່ເປັນພິເສດເຖິງການສົມທົບກັນໃນວຽກງານຖະແຫຼງຂ່າວ, ໂຄສະນາກ່ຽວກັບນ້ຳໃຈມິດຕະພາບລະຫວ່າງສອງປະເທດ, ສອງກອງທັບ. ນອກຈາກນັ້ນ, ສອງຝ່າຍຄວນຊຸກຍູ້ເພີ່ມທະວີການຮ່ວມມືລະຫວ່າງບັນດາກຳລັງຮັກສາຊາຍແດນ, ໃນນັ້ນເອົາໃຈໃສ່ເປັນພິເສດ ແລະ ເປິດກວ້າງການພົວພັນແລກປ່ຽນຂັ້ນແຂວງ.
ພາຍຫຼັງການພົບປະເຈລະຈາ, ທ່ານ ລັດຖະມົນຕີ ໂງຊວນລິກ ແລະ ລັດຖະມົນຕີ ຈັນສະໝອນ ຈັນຍາລາດ ໄດ້ລົງນາມໃນແຜນການຮ່ວມມືລະຫວ່າງກະຊວງປ້ອງກັນ 2 ປະເທດໃນປີ 2018.
ໃນຕອນບ່າຍວັນດຽວກັນ, ທ່ານ ລັດຖະມົນຕີ ໂງຊວນລິກ ແລະ ຄະນະຜູ້ແທນການທະຫານຂັ້ນສູງກະຊວງປ້ອງກັນປະເທດ ຫວຽດນາມ ໄດ້ໄປວາງພວງມາລາຢູ່ອານຸສາວະລີບັນດານັກຮົບວິລະຊົນທີ່ໄດ້ເສຍສະຫຼະຊີວິດເພື່ອຊາດ.
