ການຢ້ຽມຢາມບາງຮາກຖານສາທາລະນະສຸກ ເນື່ອງໃນໂອກາດວັນແພດໝໍຫວຽດນາມ (27/2)
(vovworld) – ເນື່ອງໃນໂອກາດວັນແພດໝໍຫວຽດນາມ (27/2), ຕອນບ່າຍວັນທີ 26/2, ທ່ານຮອງນາຍົກລັດຖະມົນຕີຫວຽດນາມ ຫງວຽນທ້ຽນເຍີນ ໄດ້ລົງຢ້ຽມຢາມ, ອວຍພອນໝູ່ຄະນະບັນດາສາດສະດາຈານ, ທ່ານໝໍ, ພະນັກງານ, ລັດຖະກອນຂະແໜງການແພດຢູ່ ໂຮງໝໍ 19/8 ແລະ ໂຮງໝໍການແພດພື້ນເມືອງ ສັງກັດກະຊວງຕຳຫຼວດຫວຽດນາມ. ທ່ານຮອງນາຍົກລັດຖະມົນຕີ ສະເໜີວ່າ: ໃນໄລຍະຈະມາເຖິງ, ກະຊວງສາທາລະນະສຸກຄວນສົມທົບກັບກະຊວງຕຳຫຼວດ ຫັນໂຄງການແຜນກຳນົດຊັບພະຍາກອນມະນຸດຂະແໜງການແພດເປັນລະອຽດ, ສຳຫຼວດກວດກາແຜນກຳນົດເຄືອຂ່າຍກວດກາ, ປິ່ນປົວພະຍາດຂອງຂະແໜງຕຳຫຼວດ ແລະ ປ້ອງກັນປະເທດ. ສະເພາະຂົງເຂດການແພດພື້ນເມືອງ, ກະຊວງສາທາລະນະສຸກຄວນກວດກາຄືນແຜນຮ່າງພັດທະນາການແພດພື້ນເມືອງ ແລະ ອາດຈະກໍ່ສ້າງແຜນຮ່າງລະດັບຊາດກ່ຽວກັບຂົງເຂດນີ້, ພ້ອມກັນນັ້ນຄວນມີແຜນຮ່າງຄົ້ນຄ້ວາກ່ຽວກັບຄຸນປະໂຫຍດຂອງການແພດພື້ນເມືອງທີ່ມີຕໍ່ພະຍາດມະເຮັງ.
