ການເຄື່ອນໄຫວຕ່າງໆຢູ່ນອກກອງປະຊຸມສຸດຍອດຄວາມປອດໄພດ້ານນິວເຄຼຍ
(vovworld) - ວັນທີ 26/3, ທ່ານປະທານາທິບໍດີ ສ.ເກົາຫຼີ Lee Myung Bak ແລະ ທ່ານປະທານປະເທດຈີນ ຮູຈີນເທົ່າ ໄດ້ມີການເຈລະຈາຢູ່ນອກກອງປະຊຸມສຸດຍອດຄວາມປອດໄພດ້ານນິວເຄຼຍທີ່ຈັດຂຶ້ນຢູ່ Seoul ໃນວັນທີ 26 – 27/3. ການນຳ 2 ທ່ານໄດ້ປຶກສາຫາລືກ່ຽວກັບສະພາບຄວາມປອດໄພໃນແຫຼມເກົາຫຼີ, ສຸມໃສ່ແຜນການຂອງ ສປປ. ເກົາຫຼີ ຍິງດາວທຽມ Kwangmyongsong 3 ໃນເດືອນ 4 ຈະມາເຖິງ. ການນຳ 2 ທ່ານເຫັນດີເປັນເອກະສັນກັນສືບຕໍ່ປຶກສາຫາລືເພື່ອຊອກວິທີເກັ້ຍກອມ ສປປ ເກົາຫຼີ ປະລະແຜນການນີ້. ແລະກໍຢູ່ນອກກອງປະຊຸມສຸດຍອດຄວາມປອດໄພດ້ານນິວເຄຼຍ, ເມື່ອພົບປະກັບທ່ານປະທານປະເທດຈີນ ຮູຈີນເທົ່າ, ທ່ານປະທານາທິບໍດີອາເມລິກາ Barack Obama ຮຽກຮ້ອງໃຫ້ຈີນເພີ່ມທະວີຄວາມກົດດັນຕໍ ສປປ ເກົາຫຼີ ເພື່ອໃຫ້ພຽງຢາງ ປ່ຽນແປງຫຼັກໝັ້ນໃນບັນຫານິວເຄຼຍ, ພ້ອມທັງຕັກເຕືອນຮັດແໜ້ນຄຳສັ່ງລົງໂທດ ຖ້າຫາກ ສປປ ເກົາຫຼີ ປະຕິບັດແຜນການຍິງດາວທຽມໃນເດືອນ 4 ຈະມາເຖິງ.
