logo

ການເຄື່ອນໄຫວສະເຫລີມສະຫລອງ 55 ປີແຫ່ງວັນສ້າງຕັ້ງສາຍພົວພັນທາງການທູດຫວຽດນາມ-ລາວ

2017/7/19 | 09:12:38
(VOVWORLD) -ຕອນຄ່ຳວັນທີ 18 ກໍລະກົດ, ສະຖານີໂທລະພາບຫວຽດນາມ ສົມທົບກັບສະຖານີ ໂທລະພາບແຫ່ງຊາດລາວ ໄດ້ຈັດຕັ້ງ ລາຍການ “ຖ່າຍທອດສົດ ຫວຽດນາມ - ລາວ: ຮ່ວມເສັ້ນທາງດຽວ” ດ້ວຍຄວາມຍາວ 120 ນາທີ ແລະ ໄດ້ປະຕິບັດທັງຢູ່ນະຄອນຫລວງ ວຽງຈັນ ແລະ ນະຄອນຫລວງ ຮ່າໂນ້ຍ. 

 ລາຍການສະແດງສິລະປະໃນລາຍການຖ່າຍທອດສົດ:ຫວຽດນາມ-ລາວ

ພາບ:Vietnamplus

ໃນລາຍການດັ່ງກ່າວ ຍັງແນະນຳບັນດາບົດສາລະຄະດີກ່ຽວກັບສາຍພົວພັນຮ່ວມມື, ຊ່ວຍເຫລືອເຊິ່ງກັນ ແລະກັນລະຫວ່າງ ສອງຊາດ ຫວຽດນາມ ແລະລາວ ນັບແຕ່ໄລຍະສົງຄາມຕະຫລອດຮອດຊຸມວັນເດືອນປີໄດ້ຮັບສັນຕິພາບ ດ້ວຍບັນດາລາຍການສິລະປະທີ່ເຂັ້ມຂົ້ນໄປດ້ວຍສີສັນວັດທະນະທຳຫວຽດນາມ ແລະ ລາວ. ເຂົ້າຮ່ວມລາຍການ, ຜູ້ຊົມທັງສອງປະເທດ ໄດ້ພົບປະແລກປ່ຽນກັບບັນດາຕົວພະຍານປະຫວັດສາດ, ບັນດາຜູ້ທີ່ໄດ້ປະກອບສ່ວນເພີ່ມພູນຄູນສ້າງສາຍພົວພັນຫວຽດນາມ - ລາວ ຄື: ຮອງສາດສະດາຈານ, ປອ ດາມດືກເວື້ອງ ອະດີດຊ່ຽວຊານ ຫວຽດນາມ ຢູ່ ລາວ, ພົນຈັດຕະວາ ຮີ່ງດັກເຮືອງ, ອະດີດຫົວຫນ້າຄະນະຜູ້ຊ່ຽວຊານການທະຫານຫວຽດນາມ ຊ່ວຍເຫລືອລາວ, ພົນຈັດຕະວາ ບົວສ້ຽງ ຈຳປາພັນ, ອະດີດຮອງຫົວຫນ້າກົມໃຫຍ່ເສນາທິການ ກອງທັບປະຊາຊົນລາວ, ທ່ານ ຄຳຕາ ດວງທອງລາ, ອະດີດຮອງລັດຖະມົນຕີການຕ່າງປະເທດລາວ, ອະດີດເອກອັກຄະລັດຖະທູດຜູ້ທຳອິດຂອງລາວ ປະຈຳຫວຽດນາມ. ແລະກໍ່ໃນຕອນຄ່ຳວັນດຽວກັນ, ຢູ່ ແຂວງ ດ້ຽນບຽນກໍ່ໄດ້ດຳເນີນລາຍການພົບປະແລກປ່ຽນຊາວຫນຸ່ມກອງທັບຫວຽດນາມ ແລະ ລາວ ດ້ວຍຫົວຂໍ້ “ຮ່ວມສາຍພູຫລວງ- ຖານສະຫາຍອ້າຍນ້ອງ”. 

TAG
VOV/VOVworld/ຊ່ຽວຊານ ຫວຽດນາມ

ຂ່າວ/ບົດ​ອື່ນ
VIDEO
radio
Emisiones de la semana
Eventos
ຫວຽດນາມ ຢັ້ງຢືນທຸກການເຄື່ອນໄຫວຢູ່ທະເລຕາເວັນອອກຕ້ອງສອດຄ່ອງກັບກົດໝາຍສາກົນ
ຊາວ​ປະ​ມົງ 5.600 ຄົນ​ໄດ້​ຮັບ​ການ​ໜູນ​ຊ່ວຍ​ໃນ​ໂຄງ​ການ “ພ້ອມ​ກັບ​ຊາວ​ປະ​ມົງ​ດັງ​ໄຟ​ຢູ່​ທະ​ເລ”
ສະ​ມາ​ຄົມ​ອາ​ຊີບ​ຫາ​ປາ ຫວຽດ​ນາມ ຄັດ​ຄ້ານຕໍ່​ເລື່ອງ ຈີນ ຫ້າມ​ຫາ​ປາ​ຢູ່​ທະ​ເລ​ຕາ​ເວັນ​ອອກ​ປີ 2022 ຕາມ​ລຳ​ພັງ​ໃຈ
ງານ​ວາງ​ສະ​ແດງ​ຫົວ​ຂໍ້​ “ຮ່​ວາງ​ຊາ, ເຈື່ອງ​ຊາ ແມ່ນ​ຂອງ ຫວຽດ​ນາມ - ບັນ​ດາ​ພະ​ຍານຫຼັກ​ຖານ​ປະ​ຫວັດ​ສາດ ແລະ ນິ​ຕິ​ທຳ” ຢູ່​ແຂວງ ບັກ​ຢາງ
ນັກ​ຊ່ຽວ​ຊານ ຢູ​ແກຼນ ຢັ້ງ​ຢືນ​ບົດ​ບາດ​ຂອງ​ກົດ​ໝາຍ​ສາ​ກົນ​ໃນ​ບັນ​ຫາ​ຢູ່​ທະ​ເລ​ຕາ​ເວັນ​ອອກ