ພາບປະກອບ
|
(vovworld) -
ວັນທີ 27/2 ແມ່ນວັນແພດໝໍຫວຽດນາມ. ບັນດາຫນັງສືພີມສະບັບອອກໃນວັນທີ 27/2 ລ້ວນແຕ່ໄດ້ລົງພິມຂ່າວ, ບົດຕ່າງໆສ່ອງແສງເຖິງເຫດການນີ້. ຫນັງສືພິມ nhan dan ສຽງຂອງພັກກອມມູນິດຫວຽດນາມໄດ້ລົງພິມບົດຂຽນໂດຍຢືນຢັນເຖິງພູມປັນຍາ, ຄວາມເກັ່ງກ້າສາມາດຂອງແພດໝໍຫວຽດນາມ. ປີ 2012 ກະຊວງສາທາລະນະສຸກໄດ້ເຊີດຊູ 30 ຜົນງານດີເດັ່ນທີ່ຂຶ້ນກັບ 13 ຂົງເຂດຂອງພື້ນຖານການແພດຫວຽດນາມໃນຊຸມປີມໍ່ໆມານີ້. ບົດຂຽນໄດ້ຢືນຢັນວ່າ ຜົນງານນີ້ບໍ່ພຽງແຕ່ນຳມາຊຶ່ງປະສິດທິຜົນຢ່າງແທດຈິງໃນການເບິ່ງແຍງສຸຂະພາບໃຫ້ແກ່ປະຊາຊົນເທົ່ານັ້ນ ຫາກຍັງຢືນຢັນສີມືຂອງຖັນແຖວແພດໝໍຫວຽດນາມ ກັບເພື່ອນຮ່ວມງານສາກົນ. ຫນັງສືພິມ Quan doi nhan dan ສຽງຂອງກອງທັບປະຊາຊົນຫວຽດນາມ ໄດ້ໃຫ້ຂ່າວກ່ຽວກັບພິທີມອບນາມມະຍົດແພດໝໍປະຊາຊົນ, ແພດໝໍດີເດັ່ນໃນກອງທັບຄັ້ງທີ 10. ຫນັງສີພິມ Saigongiaiphong (ໄຊງ່ອນປົດປ່ອຍ) ໄດ້ໃຫ້ຂ່າວກ່ຽວກັບຜົນງານຂອງຂະແຫນງການແພດຂອງນະຄອນໂຮ່ຈິມີນ ໃນການນຳໃຊ້ເຕັກນິກສູງເຂົ້າໃນການປິ່ນປົວພະຍາດ. ໃນວັນດຽວກັນ ໂຮງໝໍໄປສະນີ ໄດ້ຈັດຕັ້ງພິທີສະເຫລີມສະຫລອງ ວັນແພດໝໍຫວຽດນາມ 27/2 ແລະ ຮັບຫລຽນໄຊແຮງງານຊັ້ນຫນຶ່ງ.
