ພາບແຕ້ມສີນ້ຳ 37 ແຜ່ນໂດຍແຕ້ມໃສ່ຜ້າໄໝ ຂອງປະລິນຍາເອກວັນນະຄະດີ ຫງວຽນທິແທັງລິວ ໃນງານວາງສະແດງ “ຜູ້ອ່ານເຊິ່ງດຳເນີນແຕ່ວັນທີ 16 – 22 ເມສາ ຢູ່ໂຮງວາງສະແດງວິຈິດຕະກຳ” ເຮືອນເລກທີ 16 ຖະໜົນໂງ ກວຽນ, ຮ່າໂນ້ຍ.
“ຜູ້ອ່ານ” ແມ່ນ ໂຄງການໜຶ່ງທີ່ມີຂອບຂະໜາດນ້ອຍໂດຍປະລິນຍາເອກວັນນະຄະດີ, ຈິດຕະກອນ ຫງວຽນທິແທງລິວ ໄດ້ເດີນຕາມເປັນເວລາ 2 ປີມານີ້, ນັບແຕ່ຄາວ ແຍກຫ່າງສັງຄົມຄັ້ງທີ 1 ຢູ່ ຫວຽດນາມ ເມື່ອຕົ້ນປີ 2020 ຍ້ອນໂລກລະບາດໂຄວິດ - 19.
ໃນທ່າມກາງຄວາມກະວົນກະວາຍຂອງສະພາບໂລກລະບາດ ພວມຄຸກຄາມໃນທົ່ວໂລກ, ຈິດຕະກອນ ແທັງລິວ ໄດ້ເລືອກເອົາການແຕ້ມຜູ້ອ່ານ ຄືແມ່ນຮູບແບບຂອງຄວາມງາມ ແບບມິດງຽບ. ຈິດຕະກອນຫງວຽນທິແທງລິວ ໃຫ້ຮູ້ວ່າ “ຂ້າພະເຈົ້າຊົມຊອບປຶ້ມ, ດັ່ງນັ້ນກໍ່ຊົມຊອບຄວາມງາມຂອງຜູ້ອ່ານເລີຍ. ໄປຮອດບໍ່ວ່າແຫ່ງໃດ ຂ້າພະເຈົ້າກໍ່ເຄີຍຕັ້ງໃຈຕິດຕາມ ບັນດາຜູ້ອ່ານປຶ້ມ. ເຂົາເຈົ້າ ອາດຈະແມ່ນ: ບໍ່ວ່າຜູ້ໃດ ບໍ່ວ່າໃນເກນອາຍຸໃດ ແຕ່ຢູ່ໃນກະໂຕຂອງເຂົາເຈົ້າ ເອງ, ກໍ່ໄດ້ ສໍ່ສະແດງໃຫ້ເຫັນຄວາມງາມຂອງການເອົາໃຈໃສ່ແບບສະຫວາດສະເຫວີຍ.”
ເມື່ອອ່ານປຶ້ມ, ຜູ້ອ່ານກໍ່ບໍ່ເຄີຍໃສ່ໃຈທຸກສິ່ງຢູ່ອ້ອມແອ້ມຕົນເອງແບບທຳມະຊາດເພື່ອສຸມຈິດສຸມໃຈກັບເນື້ອໃນຄວາມໝາຍຂອງຄຳປະໂຫຍກ. ເຂົາເຈົ້າງາມເພາະວ່າ ເຂົາເຈົ້າອ່ານ. ຈິດຕະກອນໄດ້ສະຫງວນເວລາ ຮັບຊົມຜູ້ອ່ານ ແລະ ວາດພາບເເຖິງເຂົາເຈົ້າຜ່ານຮູບແຕ້ມ.
ຈິດຕະກອນ ຫງວຽນທິແທງລິວ ແບ່ງປັນວ່າ: “ການແຕ້ມຮູບພາບຜູ້ອ່ານກໍ່ແມ່ນວິທີເຊິ່ງຂ້າພະເຈົ້າສະແດງໃຫ້ເຫັນຄວາມນິຍົມຊົມຊອບເຂົາເຈົ້າ. ຮູບແຕ້ມແຕ່ລະແຜ່ນກໍ່ໄດ້ບັນທືກຄວາມງາມໃນກໍລະນີໃດໜຶ່ງ. ຮູບແຕ້ມແຕ່ລະແຜ່ນກໍ່ປຽບເໝືອນເລື່ອງລາວທີ່ເປັນໜ້າປະທັບໃຈ”
ຂໍເຊີນບັນດາທ່ານ ພ້ອມກັນຮັບຊົມຮູບແຕ້ມຈຳນວນໜຶ່ງ ທີ່ຖືກນຳມາວາງສະແດງໃນງານວາງສະແດງດັ່ງລຸ່ມນີ້:
