ຄວາມເຄັ່ງຕຶງຢູ່ເຂດຊາຍແດນໄທ - ກຳປູເຈຍ
(vovworld) - ຄວາມເຄັ່ງຕຶງຢູ່ເຂດຊາຍແດນລະຫວ່າງ ໄທ - ກຳປູເຈຍ ພວມເພີ່ມຂຶ້ນ ເມື່ອຕອນບ່າຍວັນທີ 2/3 ມີນັກເຄື່ອນໄຫວສະຫະພັນປະຊາຊົນເພື່ອປະຊາທິປະໄຕໄທ ປະມານ 200 ຄົນ ໄດ້ ເຕົ້າໂຮມກັນຢູ່ສະຖານທີ່ກວດກາໃນເຂດຊາຍແດນສາກົນ Cham Yeam, ເຊິ່ງແມ່ນເຂດນອນລະຫວ່າງແຂວງ ຕຣາດ ຂອງ ໄທ ແລະ ແຂວງ Koh Kong ຂອງກຳປູເຈຍ, ເພື່ອຍົກອອກຂໍ້ສະເໜີກ່ຽວກັບບັນຫາດິນແດນ. ຕາມທ່ານ Yun Min, ເຈົ້າໜ້າທີ່ຂັ້ນສູງ ແຂວງ Koh Kong ແລ້ວ, ບັນດານັກເຄື່ອນໄຫວໄທໄດ້ເຕົ້າໂຮມກັນຢູ່ທີ່ນີ້ໃນເວລາປະມານ 2 ຊົ່ວໂມງ ແລະ ໄປສຳຫຼວດຫຼັກໝາຍຊາຍແດນເລກທີ່ 73 ຢູ່ທີ່ນີ້. ກຳປູເຈຍ ແລະ ໄທ ໄດ້ມີການພິພາດກັນກ່ຽວກັບຊາຍແດນຢູ່ບໍລິເວນພະວິຫານ ປະແຣກ ວີເຮຍ ພາຍຫຼັງທີ່ອົງການ UNESCO ຂອງ ສະຫະປະຊາຊາດ ໄດ້ນຳພະວິຫານດັ່ງກ່າວເຂົ້າໃນບັນຊີລາຍຊື່ມໍລະດົກໂລກເມື່ອເດືອນ 7/2008. ແຕ່ເຖິງຢ່າງໃດກໍຕາມ, ຄວາມເຄັ່ງຕຶງລະຫວ່າງ 2 ປະເທດໄດ້ຫຼຸດລົງພາຍຫຼັງທີ່ພັກເພື່ອໄທຂອງອະດີດນາຍົກລັດຖະມົນຕີ ທັກສິນ ສິນວັດ ຍາດໄດ້ໄຊຊະນະໃນການເລືອກຕັ້ງທົ່ວປະເທດຢູ່ໄທເມື່ອເດືອນ 7/2011.
