ຕອນຄ່ຳວັນທີ 30/1, ຢູ່ນະຄອນເຫ້ວ ແຂວງເທື່ອທຽນເຫ້ວ ໄດ້ຈັດລາຍການເປີດສາກໃຫ້ແກ່ປີທ່ອງທ່ຽວແຫ່ງຊາດເຂດແຄມທະເລທາງທິດເໜືອຂອງພາກກາງ-ເຫ້ວປີ 2012. ນະທີ່ນີ້ ສັນຍາລັກຂອງປີທ່ອງທ່ຽວແຫ່ງຊາດເຫ້ວປີ 2012 ດ້ວຍ 9 ໂລໂກຕິດດອກບົວ ຊື່ງແມ່ນສັນຍາລັກຂອງບັນດາແຂວງເຂດແຄມທະເລທາງທິດເໜືອຂອງພາກກາງ ແລະ 9 ປີແຫ່ງການຈັດຕັ້ງປີທ່ອງທ່ຽວແຫ່ງຊາດ ກໍໄດ້ຖືກແນະນຳຕໍ່ກັບມະຫາຊົນ. ປີທ່ອງທ່ຽວແຫ່ງຊາດເຂດແຄມທະເລທາງທິດເໜືອຂອງພາກກາງ-ເຫ້ວປີ 2012 ໄດ້ເລີ່ມຕົ້ນດ້ວຍບັນດາການເຄື່ອນໄຫວວັດທະນະທຳ, ກິລາ, ການທ່ອງທ່ຽວ ຢູ່ແຂວງເທື່ອທຽນເຫ້ວ ແລະບັນດາແຂວງເຂດແຄມທະເລທາງທິດເໜືອຂອງພາກກາງ. ທ່ານຫງວຽນວັນກາວ, ປະທານຄະນະກຳມະການປະຊາຊົນແຂວງເທື່ອທຽນເຫ້ວ, ຫົວໜ້າຄະນະຈັດຕັ້ງປີທ່ອງທ່ຽວແຫ່ງຊາດເຂດແຄມທະເລທາງທິດເໜືອຂອງພາກກາງ-ເຫ້ວປີ 2012 ໃຫ້ຮູ້ວ່າ:
“ປີທ່ອງທ່ຽວແຫ່ງຊາດໄດ້ເລີ່ມຕົ້ນດ້ວຍພິທີສວດມົນພາວະນາໃຫ້ປະເທດຊາດ ປະຊາຊົນມີຄວາມສະຫງົບສຸກ ແລະຫລັງຈາກນັ້ນແມ່ນພິທີໄຂງານບຸນວິຫານຮ່ວຽນເຈີນ. ນັ້ນແມ່ນການເລີ່ມຕົ້ນໃຫ້ບັນດາການເຄື່ອນໄຫວດ້ານວັດທະນະທຳ, ກິລາ ແລະການທ່ອງທ່ຽວຢູ່ບໍລິເວນນະຄອນເຫ້ວ ແລະແຂວງເທື່ອທຽນເຫ້ວ. ປີນີ້, ບັນດາລາຍການ, ໄດ້ມີການກະກຽມ ແລະບັນດາລາຍການໂດຍກະຊວງວັດທະນະທຳກິລາ ແລະການທ່ອງທ່ຽວຮັບຜິດຊອບກໍເລີ່ມໄດ້ຮັບການປະຕິບັດ ແລ້ວ”
