(VOVWORLD) - ເພື່ອສ້າງທ່າກ້າວກະໂດດຂັ້ນໃຫ້ແກ່ສັງກາດໃໝ່ - ສັງກາດບຸກບືນຂອງຊາດ, ຫວຽດນາມພວມສຸມໃສ່ເຂົ້າ 3 ຂອດບຸກທະລຸຍຸດທະສາດ, ໃນນັ້ນບຸກທະລຸກ່ຽວກັບພື້ນຖານໂຄງລ່າງໄດ້ຮັບການຜັນຂະຫຍາຍທີ່ມີຄວາມຈຳເປັນ. ບັນດາໂຄງການຄົມມະນາຄົມຈຸດສຸມລະດັບຊາດພວມໄດ້ຮັບການຍູ້ແຮງຄວາມຄືບໜ້າດ້ວຍຄວາມຕັດສິນໃຈຢູ່ລະດັບສູງສຸດນັບແຕ່ຜູ້ນຳລັດຖະບານຈົນຮອດບັນດາກະຊວງ, ຂະແໜງການ, ທ້ອງຖິ່ນ ພ້ອມກັບຄວາມເຫັນດີເຫັນພ້ອມຂອງປະຊາຊົນ.
 ພາບປະກອບ: baochinhphu.vn |
ຫວຽດນາມວາງເປົ້າໝາຍກໍ່ສ້າງສຳເລັດໂຄງການຄົມມະນາຄົມປະມານ 50 ແຫ່ງໃນປີນີ້, ໃນນັ້ນບັນດາໂຄງການໃຫຍ່ຄື: ເສັ້ນທາງຄວາມໄວເໜືອ - ໄຕ້ທາງທິດຕາເວັນອອກໄລຍະ 2021 – 2025, ເສັ້ນທາງໂຮ່ຈີມິນ ຜ່ານບັນດາແຂວງ, ນະຄອນ.
ສຳລັບຂະແໜງການບິນ, ບັນດາໂຄງການຈຸດສຸມຄື: ອາຄານສະໜາມບິນ T3 - ທ່າອາກາດສະຍານສາກົນ ເຕິນເຊີນເຍິດ, ກິດຈະກຳຍ່ອຍລາມບິ່ນຂຶ້ນ/ລົງຢູ່ທ່າອາກາດສະຍານສາກົນລອງແທັງກໍ່ໄດ້ຮັບການນຳເຂົ້າໃຊ້ການໃນທ້າຍປີນີ້.
ການຊີ້ນຳຢ່າງຂຽວຂາດຈາກລັດຖະບານ
ໄລໝົດປີ 2024, ຫວຽດນາມໄດ້ປະຕິບັດສຳເລັດ, ນຳເຂົ້າເຄື່ອນໄຫວເສັ້ນທາງຄວາມໄວສູງກ່ວາ 2.000 ກີໂລແມັດ, ພ້ອມທັງ, ປຸກລະດົມຂະບວນການແຂ່ງຂັນ 500 ວັນຄືນກໍ່ສ້າງເສັ້ນທາງຄວາມໄວສູງສຳເລັດ 3000 ກີໂລແມັດໃນປີນີ້.
ນັບແຕ່ຊຸມວັນຕົ້ນປີໃໝ່ປີມະເສັງ 2025, ທ່ານນາຍົກລັດຖະມົນຕີ ຟ້າມມິງຈິງ ໄດ້ມີການປະຕິບັດງານຫຼາຍຄັ້ງ, ໝເພື່ອລົງກວດກາຫຼາຍໂຄງການ, ກິດຈະກຳຈຸດສຸມລະດັບຊາດ. ການມີໜ້າຢູ່ສະຖານທີ່ກໍ່ສ້າງ, ສົ່ງເສີມຍູ້ແຮງຄວາມຄືບໜ້າບັນດາກິດຈະກຳກໍ່ສ້າງພື້ນຖານໂຄງລ່າງສຳຄັນຂອງຜູ້ນຳລັດຖະບານໄດ້ນຳບັນຍາກາດ, ກຳລັງໜູນ ແລະ ຄວາມຕັດສິນໃຈຢ່າງໃຫຍ່ຫຼວງມາໃຫ້ຂະແໜງຄົມມະນາຄົມຂົນສົ່ງ, ຖັນແຖວບັນດາຜູ້ຮັບເໝົາ, ກຳມະກອນ, ນັກເຕັກນິກໃນສະຖານທີ່ກໍ່ສ້າງ, ດ້ວຍຈິດໃຈ “ພຽງແຕ່ປຶກສາການປະຕິບັດ, ບໍ່ປຶກສາການທໍ້ຖອຍ”.
ທີ່ການກວດກາຄວາມຄືບໜ້າໃນການກໍ່ສ້າງເສັ້ນທາງຄວາມໄວສູງນະຄອນ ໂຮ່ຈີມິນ - ທູເຢົາມົດ - ເຈິນແທັງ, ວັນທີ 1 ກຸມພາຢູ່ແຂວງ ບິ່ງເຢືອງ, ທ່ານນາຍົກລັດຖະມົນຕີ ເນັ້ນໜັກຄວາມຮຽກຮ້ອງວ່າ:
ຂ້າພະເຈົ້າສະເໜີບັນດາແຂວງ ບິ່ງເຟືອກ, ນະຄອນໂຮ່ຈີມິນ, ບິ່ງເຢືອງໃນໄຕມາດນີ້ຕ້ອງປະຕິບັດສຳເລັດລະບຽບການປະຕິບັດເຊື່ອມຕໍ່ເສັ້ນທາງ ດັກນົງ ຮອດ ເຈິນແທັງ. ນີ້ແມ່ນຄວາມຮຽກຮ້ອງຢ່າງຮີບດ່ວນທີ່ສຸດ. ຂ້າພະເຈົ້າສະເໜີຕ້ອງປະຕິບັດຢ່າງຖືກຕ້ອງຕາມການຊີ້ນຳນຳພາຂອງນາຍົກລັດຖະມົນຕີ, ປະຕິບັດຢ່າງເຂັ້ມງວດຕາມຈິດໃຈ “ເວົ້າແລ້ວຕ້ອງທຳ”, ໄດ້ປະຕິບັດຕ້ອງມີຜະລິດຕະພັນ, ພວກເຮົາຕ້ອງເພີ່ມຄວາມໄວໃນການປະຕິບັດ.
ເມື່ອກວດກາຄວາມຄືບໜ້າໃນການກໍ່ສ້າງໂຄງການ ແລະ ເຮັດວຽກກັບແຂວງດົ່ງນາຍ, ທ່ານນາຍົກລັດຖະມົນຕີ ກໍ່ຊີ້ນຳຢ່າງຂ້ຽວຂາດວ່າປີນີ້, ຕ້ອງກໍ່ສ້າງສຳເລັດທ່າອາກາດສະຍານລອງແທັງ, ບໍ່ໄດ້ຊັກຊ້າ.
ນີ້ພຽງແຕ່ແມ່ນ 2 ໃນບັນດາການຊີ້ນຳຂອງທ່ານນາຍົກລັດຖະມົນຕີເມື່ອລົງກວດກາສະຖານທີ່ກໍ່ສ້າງບັນດາໂຄງການ, ກິດຈະກຳສຳຄັນລະດັບຊາດ, ຈຸດສຸມຂອງຂະແໜງຄົມມະນາຄົມຂົນສົ່ງໃນໄລຍະຜ່ານມາ. ກ່ອນໜ້ານັ້ນ, ໃນຫຼາຍກອງປະຊຸມ, ທ່ານນາຍົກລັດຖະມົນຕີ ຍາມໃດກໍ່ເນັ້ນໜັກເຖິງການພັດທະນາພື້ນຖານໂຄງລ່າງຢ່າງຄົບຊຸດ, ທັນສະໄໝ, ຮອບດ້ານເພື່ອປະກອບສ່ວນຫຼຸດຜ່ອນຄ່າໃຊ້ຈ່າຍ logistics, ຫລຸດຜ່ອນຄ່າໃຊ້ຈາຍສົ້ນເຂົ້າ, ຍົກສູງຄວາມສາມາດໃນການແກ້ງແຍ້ງຂອງຜະລິດຕະພັນ, ວິສາຫະກິດ ແລະ ພື້ນຖານເສດຖະກິດ, ສ້າງສະພາບແວດລ້ອມແຫ່ງການພັດທະນາໃໝ່… ແມ່ນຄວາມຮຽກຮ້ອງຕ້ອງການທີ່ມີຄວາມຈຳເປັນທີ່ສຸດໃນປັດຈຸບັນ.
ເສີມຂະຫຍາຍຈິດໃຈມີຄວາມຮັບຜິດຊອບຢູ່ລະດັບສູງສຸດ
ໂດຍປະຕິບັດຄຳຊີ້ນຳຂອງລັດຖະບານ, ກະຊວງຄົມມະນາຄົມຂົນສົ່ງ ແລະ ບັນດາວິສາຫະກິດສະມາຊິກ, ຜູ້ຮັບເໝົາ, ກໍ່ໄດ້ວາງອອກບັນດາໜ້າທີ່ ແລະ ວິທີການ ລະອຽດ, ຮັບປະກັນຄວາມຄືບໜ້າຕິດພັນກັບຄຸນນະພາບໂຄງການ, ກິດຈະກຳ.
ໂດຍຕອບສະໜອງບັ້ນເຄື່ອນໄຫວກໍ່ສ້າງເສັ້ນທາງຄວາມໄວສູງ ເໜືອ - ໃຕ້ 3000 ກີໂລແມັດໃນໄລຍະ 500 ວັນຄືນ, ພ້ອມທັງແມ່ນທ້ອງຖິ່ນທີເສັ້ນທາງຄວາມໄວສູງຕອນເໜືອ - ໃຕ້ຢູ່ທາງທິດຕາເວັນອອກກ່ວາ 60 ກີໂລແມັດ, ໄລຍະ 2021 – 2025, ທ່ານເຈິ່ນຮ່ວາງຕວັນ, ຮອງປະທານຜູ້ປະຈຳການຄະນະກຳມະການປະຊາຊົນແຂວງ ກ໋ວາງຫງາຍ ຢັ້ງຢືນວ່າ ທາງແຂວງຍາມໃດກໍ່ເສີມຂະຫຍາຍຈິດໃຈຄວາມຮັບຜິດຊອບຢູ່ລະດັບສູງສຸດ:
ຄວາມຮັບຜິດຊອບນີ້ຂອງແຕ່ລະອົງການ ແລະ ຈະມີການດັດສົມແຕ່ໂຄງການນີ້ໄປຍັງໂຄງການອື່ນຖ້າໂຄງການນັ້ນບໍ່ໄດ້ຮັບການປະຕິບັດສຳເລັດ ຕ້ອງສົ່ງແຫຼ່ງທຶນ. ຄວາມຮັບຜິດຊອບຂອງບັນດາອົງການທີ່ມີໜ້າທີ່ ແລະ ດ້ວຍຈິດໃຈຕັດສິນຢູ່ລະດັບສູງ, ຈະສືບຕໍ່ຜັນຂະຫຍາຍບັນດາໂຄງການຈົນໄດ້ຮັບການກໍ່ສ້າງແລ້ວ, ບໍ່ໄດ້ຢຸດ.
ພາຍຫຼັງ 40 ປີແຫ່ງການປ່ຽນແປງໃໝ່, ລະບົບຄົມມະນາຄົມຂອງ ຫວຽດນາມມີການພັດທະນາຢ່າງແຮງ. ນັບແຕ່ເວລາບໍ່ມີເສັ້ນທາງຄວາມໄວສູງ, ມາຮອດປັດຈຸບັນ, ຫວຽດນາມ ມີເສັ້ນທາງຄວາມໄວສູງກ່ວາ 2000 ກີໂລແມັດ. ດ້ວຍແຜນນະໂຍບາຍ, ນະໂຍບາຍໄດ້ລຸລ່ວງແຕ່ຂັ້ນເທິງລົງຮອດທ້ອງຖິ່ນ, ແຫຼ່ງງົບປະມານຍາມໃດກໍ່ໄດ້ຮັບການຈັດແບ່ງ, ແຈກຢາຍໃຫ້ແກ່ບັນດາໂຄງການຄົມມະນາຄົມຢ່າງທັນການ, ເໝາະສົມ, ພ້ອມກັບການຊີ້ນຳຢ່າງໃກ້ຊິດ ແລະ ຂ້ຽວຂາດຈາກສູນກາງ, ເປົ້າໝາຍກໍ່ສ້າງສຳເລັດເສັ້ນທາງຄວາມໄວສູງ 3000 ກີໂລແມັດໃນປີນີ້ ແລະ 5000 ກີໂລແມັດໃນປີ 2030 ແມ່ນມີຄວາມເປັນໄປໄດ້ສູງ.
