 ກອງປະຊຸມສຳມະນາຈັດຕັ້ງໃນວັນທີ 18/4
|
(vovworld) – ວັນທີ 18/4, ຢູ່ຮ່າໂນ້ຍ, ກະຊວງການຕ່າງປະເທດ ຫວຽດນາມ ໄດ້ຈັດຕັ້ງກອງປະຊຸມສຳມະນາ “ຊຸກຍູ້ບົດບາດຂອງສື່ສານໃນການໂຄສະນາກ່ຽວກັບປະຊາຄົມ ອາຊຽນ” ເພື່ອແນໃສ່ແນະນຳເຖິງບັນດາອົງການສື່ມວນຊົນແຫຼ່ງເອກະສານ, ຂໍ້ມູນຂ່າວສານເພື່ອຂຸດຄົ້ນ, ສ້າງບັນດາຫົວຂໍ້, ບົດຂຽນກ່ຽວກັບບັນດາຜົນປະໂຫຍດລະອຽດຂອງປະຊາຄົມ ອາຊຽນ, ນຳປະຊາຄົມ ອາຊຽນ ຫຍັບມໍ່ໃກ້ກັບປະຊາຊົນກ່ວາອີກ. ກ່າວຄຳເຫັນທີ່ກອງປະຊຸມສຳມະນາ, ທ່ານຮອງລັດຖະມົນຕີການຕ່າງປະເທດ ຫວຽດນາມ ຫງວຽນກວກຢູ້ງ, ຫົວໜ້າ SOM ASEAN ຫວຽດນາມ ເນັ້ນໜັກວ່າ ບັນດາກະຊວງ, ຂະແໜງການຕ້ອງຮັບຮູ້ການຮ່ວມມື ອາຊຽນ ແມ່ນບຸລິມະສິດ ແລະ ຕ້ອງມີການສົມທົບຂອງຫຼາຍພາກສ່ວນອື່ນໆໃນສັງຄົມຄື: ວິສາຫະກິດ, ປະຊາຊົນ… ຄຽງຄູ່ກັນນັ້ນ, ວົງການສື່ສານໄດ້ສວມບົດບາດສຳຄັນ, ແມ່ນຂົວເຊື່ອມຕໍ່ ແລະ ມີກຳລັງແຜ່ຂະຫຍາຍເພື່ອສົ່ງຂໍ້ມູນຂ່າວກ່ຽວກັບຜົນປະໂຫຍດຂອງປະຊາຄົມ ອາຊຽນ ເຖິງປະຊາຊົນເປັນຈຳນວນຫຼວງຫຼາຍ.
