ຍາກທີ່ຊອກຫາມາດຕະການເຈລະຈາລະຫວ່າງ Palextin ແລະ Ixraen

ວັນທີ 12/2, ທ່ານນາຍົກລັດຖະມົນຕີ Ixraen Benjanmin Netanyahu ຖືວ່າ: ທ່ານປະທານາທິບໍດີ Palextin Mahmoud Abbas ໄດ້ປິ້ນຫຼັງໃສ່ກັບສັນຕິພາບ ພາຍຫຼັງທ່ານ Abbas ໄດ້ກ່າວເຕື່ອນວ່າ: ບໍ່ສາມາດກັບຄືນສູ່ການເຈລະຈາ ຖ້າຫາກ Ixraen ບໍ່ຢຸດຕິການເຄື່ອນໄຫວກໍ່ສ້າງເຂດຕັ້ງຖີ່ນຖານຄົງທີ່ໃຫ້ຊາວຄຼິດ ໃນເຂດດິນຖືກຢຶດຄອງຂອງ Palextin. ທ່ານ Netanyahu ໄດ້ຍົກອອກບັນດາຄຳເຫັນດັ່ງກ່າວພາຍຫຼັງ ທີ່ວັນດຽວກັນທ່ານ Abbas ໄດ້ອອກຄຳຂາດໃນວັນດຽວກັນທີ່ວ່າ: ຖ້າຫາກທ່ານ Netanyahu ບໍ່ຢຸດຕິທຸກການເຄື່ອນໄຫວກໍ່ສ້າງເຂດຕັ້ງຖີ່ນຖານຄົງທີ່ ແລະ ເຫັນດີເຈລະຈາສັນຕິພາບ ບົນພື້ນຖານບັນດາເສັ້ນຊາຍແດນ ປີ 1967, ເຊິ່ງອຳນາດການປົກຄອງແຫ່ງຊາດ Palextin (ຫຼື PNA) ຈະເຊື່ອມຕໍ່ບັນດາຄວາມມານະພະຍາຍາມດ້ວຍລຳພັງຝ່າຍດຽວ ເພື່ອໃຫ້ສະຫະປະຊາຊາດຮັບຮູ້ລັດ Palextin.

ໃນວັນດຽວກັນ, ກອງປະຊຸມລັດຖະມົນຕີການຕ່າງປະເທດ ສະຫະພັນ ອາຣັບ (ຫຼື AL) ຢູ່ ກາຍໂຣ ໄດ້ອອກຖະແຫຼງການສະໜັບສະໜູນ ຂໍ້ສະເໜີຂອງ Palextin ກ່ຽວກັບການຈັດຕັ້ງການສຳມະນາສັນຕິພາບສາກົນ ເພື່ອແນໃສ່ຊອກຫາມາດຕະການຮອບດ້ານໃຫ້ແກ່ການປະທະກັນລະຫວ່າງ Ixraen – Palextin. ຖະແຫຼງການໄດ້ເນັ້ນໜັກຄວາມສຳຄັນຂອງການສຳມະນາສາກົນກ່ຽວກັບ ບັນຫາ Palextin ເພື່ອແນໃສ່ຊອກຫາການຢຸດຕິການຄວບຄຸມໃນບັນດາເຂດດິນແດນ ຂອງຊາວ Palextin ແລະ ຊອກຫາມາດຕະການຮອບດ້ານໃຫ້ແກ່ບັນດາ ບັນຫາຊາຍແດນ, ການປ້ອງກັນຄວາມສະຫງົບ, ຂໍ້ກຳນົດກົດລະບຽບຂອງນະຄອນ Jerusalem ແລະ ຜູ້ຫຼົບໄພ , ໂດຍອີງໃສ່ຂໍ້ລິເລີ່ມສັນຕິພາບຂອງອາຣັບ.