 |
| ນັບແຕ່ກາງເດືອນກຸມພາ ແລະ ແກ່ຍາວເຖິງຕົ້ນເດືອນເມສາ, ດອກຈັນພາກັນ ບານສະພັ່ງຢ່າງສວຍງາມ. ແຕ່ຈຸດເວລາທີ່ດອກຈັນສວຍງາມທີ່ສຸດແມ່ນເດືອນມີນາ. |
 |
| ຢູ່ເຂດພູສູງ, ດອກຈັນ ພາກັນບານສະພັ່ງດ້ວຍສີຂາວຢ່າງງົດງາມປົກຄຸມໄປທົ່ວພູພາປ່າໄມ້ຮ່ອມພູ. |
 |
| ດອກຈັນບານສະພັ່ງອ້ອມຮອບບັນດາເຮືອນທີ່ເປັນປະເພນີຂອງ ຊາວເຜົ່າມົ້ງ ອັນໄດ້ສ້າງຮູບພາບທຳມະຊາດທີ່ງົດງາມ. |
 |
| ຕາແສງງອກຈຽນ ມີເນື້ອທີ່ຕົ້ນຈັນ ຫຼາຍກ່ວາ 2260 ແຮັກຕາ ເຊິ່ງເຕົ້າໂຮມຢູ່ບັນດາໝູ່ບ້ານຄືດົງຊວງ, ບ້ານໃຝ່, ບ້ານເລືອດ, ບ້ານນ້ຳງຽບ. |
 |
| ສະເພາະຢູ່ບ້ານນ້ຳງຽບ ມີລວງສູງສະເລ່ຍ 220 ແມັດເມື່ອທຽບໃສ່ໜ້ານ້ຳທະເລ, ມີເນື້ອທີ່ຕົ້ນຈັນຫຼາຍກ່ວາໝູ່ ຄືກ່ວາ 1600 ແຮັກຕາ ໃນນັ້ນມີປະມານ 800 ແຮັກຕາ ແມ່ນຕົ້ນຈັນໃຫຍ່ ມີອາຍຸແຕ່ 300 – 500ປີ. |
 |
| ສະເລ່ຍເສັ້ນພາສູນກາງຂອງຕົ້ນຈັນ ຢູ່ບ້ານນ້ຳງຽບແມ່ນ ປະມານແຕ່ 60 – 80 ຊັງຕີແມັດ, ມີຕົ້ນຈັນໃຫຍ່ຫຼາຍຕົ້ນ ທີ່ 2 ຄົນໂອບຈຶ່ງຮອບ. |
 |
| ຕົ້ນຈັນໄດ້ ຜູກພັນກັບພໍ່ແມ່ພີ່ນ້ອງເຜົ່າມົ້ງແຕ່ດົນນານມາແລ້ວ, ນີ້ແມ່ນຕົ້ນໄມ້ເພື່ອລົບລ້າງຄວາມອຶດຫິວ, ຫຼຸດຜ່ອນຄວາມທຸກຍາກ ສາມາດປົກຄຸມສີຂຽວຢູ່ເນື້ອທີ່ດິນເປົ່າວ່າງພູຫົວລົ້ນ ໃນຍາມເກັບກູ້ໝາກຈັນແຕ່ເດືອນກັນຍາ ຫາເດືອນຕຸລາແຕ່ລະປີ, ຊາວບ້ານນ້ຳງຽບໄດ້ເກັບກູ້ໝາກຈັນໄດ້ຫຼາຍກ່ວາ 3000 ໂຕນ. |
 |
| ດອກຈັນມີສີຂາວງາມຄືດັ່ງດອກໝັ້ນ, ໜໍ່ຂອງດອກຈັນມີສີເຫຼືອງ |
 |
| ດອກຈັນອອກເປັນພວງ, ແຕ່ລະດອກມີກີບແຕ່ 4 – 5 ກີບ |
 |
| ຖ້າຫາກວ່າດອກບານໄດ້ຮັບຖືວ່າແມ່ນດອກໄມ້ຊະນິດໜຶ່ງສະແດງໃຫ້ເຫັນຄວາມຈິງໃຈແລະຄວາມຮັກທີ່ສັດຊື່ບໍລິສຸດຂອງພໍ່ແມ່ພີ່ນ້ອງເຜົ່າຜູ້ໄທນັ້ນ, ດອກຈັນພັດສະແດງໃຫ້ເຫັນຄວາມລຽບງ່າຍ, ເປັນສັນຍາລັກພະລັງຊີວິດທົນທານອົງອາດກ້າແກ່ນຂອງຊາວເຜົ່າມົ້ງ. |
 |
| ບ້ານນ້ຳງຽບກໍ່ແມ່ນສະຖານທີ່ສວຍງາມດັ່ງໃນຝັນໃນຍາມດອກຈັນບານສະພັ່ງ. |
 |
| ດ້ວຍບັນດາທ່າໄດ້ປຽບ, ທ່າແຮງບົ່ມຊ້ອນທາງດ້ານດິນຟ້າອາກາດ, ທຳມະຊາດ ແລະ ບັນດາ ຈຸດຮົກເຮື້ອເປັນເອກະລັກຂອງຊາວເຜົ່າມົ້ງ, ບ້ານນ້ຳງຽບມີຈຸດເປັນເອກະລັກສະເພາະທີ່ສຸດໃນຂົງເຂດການທ່ອງທ່ຽວຢູ່ງອກຈຽນ. |
 |
| ແຂກທ່ອງທ່ຽວຫຼາຍຄົນແບ່ງປັນວ່າ ຖ້າຫາກມາທ່ຽວຊົມຢູ່ງອກຈຽນ ແຕ່ຍັງບໍ່ທັນແວ່ຢາມບ້ານນ້ຳງຽບນັ້ນ ກໍ່ຖືວ່າການເດີນທາງໄປຄົ້ນຫາຢູ່ເຂດພູສູງຍັງບໍ່ສົມບູນເທື່ອ. |
