 ທ່ານ ຟ້າມມິນຈິງ, ນາຍົກລັດຖະມົນຕີ ຫວຽດນາມ ທີ່ການຕ້ອນຮັບທ່ານ Andrey Kondrashov, ຜູ້ອຳນວຍການໃຫຍ່ສຳນັກຂ່າວສານ TASS(ພາບ: TTXVN)
|
ຕອນບ່າຍວັນທີ 25 ກຸມພາ, ຢູ່ ຮ່າໂນ້ຍ, ທ່ານ ຟ້າມມິນຈິງ, ນາຍົກລັດຖະມົນຕີ ຫວຽດນາມ ໄດ້ຕ້ອນຮັບທ່ານ Andrey Kondrashov, ຜູ້ອຳນວຍການໃຫຍ່ສຳນັກຂ່າວສານ TASS ຂອງສະຫະພັນ ລັດເຊຍ ທີ່ພວມຢ້ຽມຢາມ, ເຮັດວຽກຢູ່ ຫວຽດນາມ ຕາມຄຳເຊີນຂອງສຳນັກຂ່າວສານ ຫວຽດນາມ.
ບົນພື້ນຖານການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະພັນ ລັດເຊຍ ທີ່ພວມພັດທະນາຢ່າງດີງາມ, ທ່ານນາຍົກລັດຖະມົນຕີຖືວ່າ ປະຈຸບັນ 2 ປະເທດພວມຢູ່ໃນສັງກາດພັດທະນາໃໝ່; ການພົວພັນລະຫວ່າງ 2 ປະເທດຕ້ອງສືບຕໍ່ໄດ້ຮັບການເພີ່ມທະວີ, ເປີດກວ້າງການຮ່ວມມືຢ່າງແທດຈິງ, ມີປະສິດທິຜົນໃນທຸກຂົງເຂດ. ໃນວິວັດການນັ້ນຕ້ອງມີການເຂົ້າຮ່ວມຢ່າງຕັ້ງໜ້າຂອງບັນດາອົງການສື່ມວນຊົນ. ທ່ານນາຍົກລັດຖະມົນຕີສະເໜີໃຫ້ສຳນັກຂ່າວສານ ຫວຽດນາມ ແລະ TASS ສືບຕໍ່ຮ່ວມມືກັນຢ່າງແໜ້ນແຟ້ນໃນການຫັນເປັນດີຈີຕອນ, ບຳລຸງສ້າງແຫຼ່ງຊັບພະຍາກອນນຳໃຊ້ພາສາ ລັດເຊຍ ແລະ ພາສາ ຫວຽດ, ຮັກສາການຮ່ວມມືໃນທຸກຊ່ອງທາງໃຫ້ມີປະສິດທິຜົນ. ທ່ານຢືນຢັນວ່າ ລັດຖະບານ ຫວຽດນາມ ຍາມໃດກໍ່ຈະສະໜັບສະໜູນ ແລະ ສ້າງເງື່ອນໄຂສະດວກເພື່ອໃຫ້ສຳບັນດາລາຍການ, ແຜນການຮ່ວມມືກັບ TASS.
