( vovworld ) - ຕອນບ່າຍວັນທີ 23/2, ຢູ່ສຳນັກງານລັດຖະບານຫວຽດນາມ ທີ່ຮ່າໂນ້ຍ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ໃຫ້ການຕ້ອນຮັບທ່ານພົນເຮືອເອກ Edouard Guillaud, ຫົວໜ້າເສນາທິການທະຫານປະສົມສ.ຝຣັ່ງ ທີ່ພວມຢ້ຽມຢາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ຕີລາຄາສູງການພົວພັນຫວຽດນາມ - ຝຣັ່ງ ທີ່ພວມພັດທະນາຢ່າງດີງາມໃນບັນດາຂົງເຂດ ແລະ ມຸ່ງໄປເຖິງພິທີສະເຫຼີມສະຫຼອງ 40 ປີແຫ່ງວັນສ້າງສາຍພົວພັນດ້ານການທູດ, ນຳສາຍພົວພັນລະຫວ່າງສອງປະເທດຂື້ນສູ່ລະດັບສູງໃໝ່, ຊົມເຊີຍໝາກຜົນຂອງການຮ່ວມມືລະຫວ່າງກະຊວງປ້ອງກັນປະເທດ ແລະ ກອງທັບຂອງສອງປະເທດຢ່າງດີງາມ, ສະເໜີໃຫ້ສອງຝ່າຍຈົ່ງຜັນຂະຫຍາຍບັນດາຂໍ້ຕົກລົງຮ່ວມມືເຊິ່ງໄດ້ເປັນເອກະພາບນຳກັນຢ່າງຕັ້ງໜ້າ.
ທ່ານພົນເຮືອເອກ Edouard Guillaud ປາດຖະໜາຢາກເພີ່ມທະວີສາຍພົວພັນມິດຕະພາບລະຫວ່າງສອງປະເທດຍິ່ງກ່ວາອີກ. ເຕື້ອງເຖິງບັນຫາທະເລຕາເວັນອອກ, ທ່ານພົນເຮືອເອກ Edouard Guillaud ຢືນຢັນການສະໜັບສະໜູນຫຼັກໝັ້ນຂອງຫວຽດນາມ ແກ້ໄຂບັນດາການພິພາດກັນຜ່ານການເຈລະຈາສັນຕິພາບ, ສອດຄ່ອງກັບກົດໝາຍສາກົນກໍຄືສະໜັບສະໜູນຫຼັກການເສລີໃນການເດີນທະເລ.
