Vovworld- ຕອນບ່າຍ ວັນທີ 24 ກຸມພາ, ຢູ່ຮ່າໂນ້ຍ, ທ່ານປະທານປະເທດ ຫວຽດນາມ ເຈືອງເຕີ້ນຊາງໄດ້ໃຫ້ການຕ້ອນຮັບ ລັດຖະມົນຕີການຕ່າງປະເທດ ອັກເມເນຍ ທ່ານນານບານດິອານ ຊຶ່ງພວມຢ້ຽມຢາມຫວຽດນາມ ແລະ ເຮັດວຽກຢູ່ຫວຽດນາມ. ທີ່ການຕ້ອນຮັບ, ທ່ານປະທານປະເທດຫວຽດນາມ ເຈືອງເຕີ້ນຊາງ ໄດ້ຢືນຢັນວ່າ: ຫວຽດນາມຖືເປັນສຳຄັນການຮ່ວມມືຫຼາຍດ້ານກັບ ອັກເມເນຍ , ກ່ອນອື່ນໝົດ, 2 ຝ່າຍຄວນສຳຫຼວດກວດຄືນສິ່ງທີ່ຄ້າງຄາ, ສ້າງບັນດາສັນຍາໃຫ້ສົມບູນແບບເພື່ອເປັນພື້ນຖານເພີ່ມທະວີການຮ່ວມໃນຂົງເຂດເສດຖະກິດ, ການຄ້າ, ການສຶກສາ, ບຳລຸງສ້າງ. ໂດຍຜ່ານການຮ່ວມມືກັບຫວຽດນາມ, ອັກເມເນຍ ຍັງຈະເປີດກ້ວາງການຮ່ວມມືກັບບັນດາປະເທດໃນກຸມອາຊຽນເມື່ອປະຊາຄົມເສດຖະກິດພາກພື້ນໄດ້ຮັບການສ້າງຕັ້ງໃນປີ 2015. ທ່ານປະທານປະເທດ ຫວຽດນາມ ເຈືອງເຕີ້ນຊາງ ຖືວ່າ ໃນໄລຍະທີ່ຈະມາເຖິງ, 2 ຝ່າຍຄວນຍູ້ແຮງການແລກປ່ຽນຄະນະຜູ້ແທນຂັ້ນສູງ ແລະ ສະແດງຄວາມເຊື່ອໝັ້ນວ່າ ການຢ້ຽມຢາມຫວຽດນາມຂອງປະທານາທິບໍດີ ອັກເມເນຍ ໃນເວລາທີ່ຈະມາເຖິງ ຈະຫັນການຮ່ວມມືເປັນລະອຽດ, ແນໃສ່ນຳການພົວພັນລະຫວ່າງ 2 ປະເທດຂຶ້ນສູ່ລະດັບສູງໃໝ່.
ສ່ວນທ່ານ ລັດຖະມົນຕີການຕ່າງປະເທດ ອັກເມເນຍ ນານບານດິອານຖືວ່າ : 2 ຝ່າຍຄວນຍູ້ແຮງການຮ່ວມມືໃນຂົງເຂດເສດຖະກິດ, ການຄ້າ, ຊຸກຍູ້ການ ແລກປ່ຽນພົວພັນລະຫວ່າງປະຊາຊົນ 2 ປະເທດ, ກໍຄືເພີ່ມທະວີການຮ່ວມມືໃນເວທີປາໄສພາກພື້ນ ແລະ ສາກົນເພື່ອນຳການພົວພັນເຂົ້າສູ່ລວງເລິກ ສົມກັບສາຍພົວພັນມິດຕະພາບທີ່ເປັນມູນເຊື້ອລະຫວ່າງ 2 ປະເທດ.
