(vovworld) - ໂດຍໄດ້ຮັບຄຳເຊື້ອເຊີນຈາກປະທານສະພາແຫ່ງຊາດຫວຽດນາມ ຫງວຽນຊິງຮູ່ງ, ຕອນຄຳ່ວັນທີ 27/2, ຄະນະຜູ້ແທນສະພາສູງ ສ. ຈີເລ ໂດຍທ່ານ Guido Girardin Lavin, ປະທານສະພາສູງນຳໜ້າໄດ້ເດີນທາງມາຮອດນາຄອນຫຼວງ ຮ່າໂນ້ຍ, ເລີ່ມຕົ້ນການຢ້ຽມຢາມຫວຽດນາມຢ່າງເປັນທາງການ. ຮ່ວມເດີນທາງພ້ອມກັບຄະນະຍັງມີທ່ານ Juan Pablo Letelier Morel, ຮອງປະທານສະພາສູງ, ທ່ານ Carlor Ignacio Kuschel Silva, ສະມາຊິກສະພາສູງ, ຮອງປະທານກຳມາທິການພົວພັນຕ່າງປະເທດສະພາສູງ, ທ່ານ Fernaldo Urrutia, ເອກອັກຄະລັດຖະທູດ ສ. ຈີເລ ປະຈຳຫວຽດນາມ ແລະ ທ່ານນາງ Paula Echenique, ພັນລະຍາປະທານສະພາສູງ, ແລະ ທ່ານນາງ Marcela Briones, ພັນລະຍາຮອງປະທານສະພາສູງ.
