(vovoworld) - ຕອນບ່າຍວັນທີ 29/2, ທ່ານພົນເອກ ຟູ່ງກວາງແທງ, ກຳມະການກົມການເມືອງ, ລັດຖະມົນຕີກະຊວງປ້ອງກັນປະເທດ ໄດ້ໃຫ້ການຕ້ອນຮັບຄະນະຜູ້ແທນກະຊວງປ້ອງກັນປະເທດລາວ ໂດຍທ່ານ ຈັນສະໝອນ ຈັນຍະລາດ, ກຳມະການຄະນະບໍລິຫານງານສູນກາງພັກປະຊາຊົນປະຕິວັດ ລາວ, ຮອງລັດຖະມົນຕີກະຊວງປ້ອງກັນປະເທດ ເປັນຫົວໜ້າຄະນະທີ່ພວມຢູ່ຢ້ຽມຢາມ ແລະ ເຮັດວຽກຢູ່ຫວຽດນາມ. ທ່ານພົນເອກ ຟູ່ງກວາງແທງ ໄດ້ຂອບອົກຂອບໃຈພັກ, ລັດ ແລະ ກະຊວງປ້ອງກັນປະເທດລາວທີ່ໄດ້ມອບຂອງຂັວນອັນສູງສົ່ງໃຫ້ແກ່ບັນດາສ່ວນບຸກຄົນ ແລະ ໝູ່ຄະນະສັງກັດກົມໃຫຍ່ 2 (ກະຊວງປ້ອງກັນປະເທດຫວຽດນາມ). ທ່ານພົນເອກ ຟູ່ງກວາງແທງ ຢືນຢັນວ່າ: ຫວຽດນາມ ພ້ອມແລ້ວທີ່ຈະຕ້ອນຮັບບັນດາສຳມະນາກອນຂອງກອງທັບປະຊາຊົນ ລາວ ມາຮ່ຳຮຽນຢູ່ຫວຽດນາມ.
