( vovworld ) – ຕອນເຊົ້າວັນທີ 27/3, ທີ່ການເຮັດວຽກກັບກົມໃຫຍ່ການເມືອງກອງທັບປະຊາຊົນຫວຽດນາມ ກ່ຽວກັບສະພາບວຽກງານພັກ, ວຽກງານການເມືອງໃນກອງທັບ ພາຍຫຼັງກອງປະຊຸມໃຫຍ່ທົ່ວປະເທດຄັ້ງທີ 11 ຂອງພັກມາຮອດປະຈຸບັນ, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ Nguyen Phu Trong ປາດຖະໜາວ່າ ກອງທັບຫວຽດນາມ ຈະສືບຕໍ່ມີສະຕິຄວາມຮັບຮູ້ຢ່າງຄົບຖ້ວນ, ເລິກເຊິ່ງກວ່າອີກໃນບົດບາດວຽກງານພັກ, ວຽກງານການເມືອງ, ບໍ່ພຽງແຕ່ຢູ່ໃນກອງທັບເທົ່ານັ້ນ ຫາກຍັງຢູ່ໃນທົ່ວລະບົບການເມືອງໃນສັງຄົມອີກດ້ອຍ; ພ້ອມກັນນັ້ນສືບຕໍ່ເອົາໃຈໃສ່ເຖິງວຽກງານມະນຸດ ແລະ ວຽກງານການຈັດຕັ້ງ. ທ່ານເລຂາທິການໃຫຍ່ Nguyen Phu Trong ໄດ້ເນັ້ນໜັກວ່າ.
“ ວຽກງານພັກໃນກອງທັບແມ່ນດີແລ້ວ ແຕ່ຍັງຕ້ອງສືບຕໍ່ຮັບຮູ້ຢ່າງເລິກເຊິ່ງກວ່າອີກ ແລະ ສະຫງວນເວລາ, ເຫື່ອແຮງ, ພູນປັນຍາໃຫ້ແກ່ວຽກງານສ້າງມະນຸດ, ກໍ່ສ້າງອົງການຈັດຕັ້ງ, ໝາຍຄວາມວ່າກໍ່ສ້າງພັກລວມທັງດ້ານແນວຄິດ, ການເມືອງ, ຄຸນສົມບັດ, ວິຖີຊີວິດ ສະຕິການຈັດຕັ້ງລະບຽບວິໄນ. ພວກເຮົາຄວນປະຕິບັດວຽກງານການເມືອງ, ວຽກງານພັກໃນຂະແໜງເປັນຢ່າງດີ. ມື້ນີ້, ຂ້າພະເຂົ້າຢາກເນັ້ນໜັກກັບບັນດາສະຫາຍຈົ່ງເສີມຂະຫຍາຍບົດບາດໃນທົ່ວສັງຄົມຫຼາຍກວ່າອີກ, ໃນທົ່ວສັງຄົມ, ໃນໝູ່ປະຊາຊົນ, ອົງອາດກ້າແກ່ນ, ຍືດໝັ້ນຫຼັກໝັ້ນແມ່ນກຳລັງແຮງຢ່າງມະຫາສານເພື່ອປົກປັກຮັກສາລະບອບ, ປົກປັກຮັກສາປະເທດຊາດ, ຕ້ອງຕໍ່ສູ້ຢ່າງແຮງເພື່ອຮັກສາແນວທາງ, ທັດສະນະຂອງພັກ, ເດັດດຽວຈົງຮັກພັກດີຕໍ່ພັກ ແລະ ປະຕິເສດບັນດາທັດສະນະທີ່ຜິດພາດ.”
