( vovworld.vn ) ຕອນເຊົ້າວັນທີ 8 ກຸມພາ, ຢູ່ສຳນັກງານສູນກາງພັກໄດ້ຈັດກອງປະຊຸມພົບປະພະນັກງານຂັ້ນສູງຂອງພັກ ແລະ ລັດ ທີ່ໄດ້ພັກກິນເບ້ຍບຳນານ. ທ່ານເລຂາທິການໃຫຍ່ ຫງວຽນຟຸ໋ຈ້ອງ, ທ່ານ ເລຮົ່ງແອງ ຜູ້ປະຈຳການຄະນະເລຂາ ແລະ ທ່ານ ດິງເທ໋ຮີງ ຫົວໜ້າຄະນະໂຄສະນາສຶກສາສູນກາງເປັນປະທານກອງປະຊຸມ. ກ່າວຄຳເຫັນໃນການພົບປະ ທ່ານເລຂາທິການໃຫຍ່ ຫງວຽນຟຸ໋ຈ້ອງ ໄດ້ສະແດງອາລົມຈິດ, ຄວາມນັບຖືຂອງການນຳພັກລັດ ແລະ ປະຊາຊົນທີ່ມີຕໍ່ລຸ້ນກ່ອນ, ສະແດງໃຫ້ເຫັນສິນທຳທີ່ວ່າກິນເຂົ້າຄິດຮອດຄຸນນາກິນປາຄິດຮອດຄຸນນ້ຳຂອງຊາດ. ໃນໝາກຜົນຕ່າງໆຂອງປະເທດຊາດໃນປີທີ່ຜ່ານມາ ໄດ້ມີການປະກອບສ່ວນຢ່າງໃຫຍ່ຫຼວງຂອງບັນດາສະຫາຍອາດິດແມ່ນການນຳຂັ້ນສູງ. ທ່ານເລຂາທິການໃຫຍ່ປາດຖະໜ້າວ່າ, ໃນໄລຍະທີ່ຈະມາເຖິງຈະສືບຕໍ່ໄດ້ຮັບການປະກອບພູມບັນຍາ, ບົດຮຽນຂອງບັນດາສະຫາຍໃນຫຼາຍດ້ານ. ທ່ານເລຂາທິການໃຫຍ່ ຫງວຽນຟຸ໋ຈ້ອງ ເຊື້ອໝັ້ນວ່າ, ບັນດາການນຳຂື້ນສູງທີ່ໄດ້ພັກກິນເບ້ຍບຳນານຈະແມ່ນບ່ອນອີງທີ່ໝັ້ນຄົງໃຫ້ແກ່ພັກ, ເພື່ອໃຫ້ພວກເຮົາຮ່ວມຈິດຮ່ວມໃຈເຫັນດີເຫັນພ້ອມນຳກັນ.
ທີ່ກອງປະຊຸມ, ບັນດາຜູ້ແທນໄດ້ຮັບຟັງທ່ານ ເລຮົ່ງແອງ ຜູ້ປະຈຳການຄະນະເລຂາ ລາຍງານກ່ຽວກັບວຽກງານຊີ້ນຳ, ນຳພາຂອງພັກ ແລະ ລັດໃນປີ 2011, ທ່ານ ບຸຍກວາງວິງ ກຳມະການສູນກາງພັກ, ລັດຖະມົນຕີກະຊວງແຜນການ ແລະ ການລົງທຶນ ລາຍງານກ່ຽວກັບສະພາບເສດຖະກິດສັງຄົມໃນ ປີ 2011, ທ່ານ ໂຮ່ຊວນເຊີນ, ກຳມະການສູນກາງພັກ, ຮອງລັດຖະມົນຕີກະຊວງການຕ່າງປະເທດ ລາຍງານກ່ຽວກັບການເຄື່ອນໄຫວພົວພັນຕ່າງປະເທດຂອງ ພັກ ແລະ ລັດ ປີໃນ 2011, ທ່ານພົນຕີ ເຈົນວຽດແອງ ຮອງລັດຖະມົນຕີກະຊວງຕຳຫຼວດ ລາຍງານກ່ຽວກັບສະພາບຄວາມສະຫງົບປອດໄພ, ຄວາມເປັນລະບຽບຮຽບຮ້ອຍໃນໄລຍະມໍ່ໆມານີ້.
