ນັກປະພັນ ຂອງຫວຽດນາມ ຫງວຽນຈີຈູງ ໄດ້ຮັບລາງວັນວັນນະຄະດີອາຊີຕາເວັນອອກສ່ຽງໃຕ້ 2011 ຈັດຂຶ້ນຢູ່ປະເທດໄທ
ນັກປະພັນ ຫງວຽນຈີຈູງ ແລະ ເອກອັກຄະລັດຖະທູດຫວຽດນາມ ປະຈຳໄທ
(ພາບ:tintuc.vnn.vn)
ນັກຂ່າວວິທະຍຸກະຈາຍສຽງຫວຽດນາມປະຈຳໄທ ໃຫ້ຂ່າວວ່າ, ຕອນຄ່ຳວັນທີ 16/2, ຢູ່ນະຄອນຫຼວງບາງກອກ ປະເທດໄທ, ໄດ້ຈັດພິທີມອບລາງວັນວັນນະຄະດີອາຊີຕາເວັນອອກສ່ຽງໃຕ້ 2011 ໃຫ້ນັກປະພັນ 8 ທ່ານໃນກຸ່ມອາຊຽນ ຊື່ງລວມມີ: ບຣູໄນ, ອິນໂດເນເຊຍ, ລາວ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ ດ້ວຍບັນດາບົດປະພັນ, ເລື່ອງສັ້ນ, ກະວີ… ນັກປະພັນ ຫງວຽນຈີຈູງ ຂອງຫວຽດນາມ ໄດ້ຮັບລາງວັນວັນນະຄະດີອາຊີຕາເວັນອອກສ່ຽງໃຕ້ດ້ວຍບົດປະພັນ “ສຽງຮ້ອງໄຫ້ຂອງນາງອຸດ“. ກ່າວຄຳເຫັນທີ່ພິທີມອບລາງວັນ, ນັກປະພັນຫງວຽນຈີຈູງ ໄດ້ເວົ້າວ່າ: “ຂ້າພະເຈົ້າຄິດວ່າ ລາງວັນວັນນະຄະດີອາຊີຕາເວັນອອກສ່ຽງໃຕ້ 2011 ແມ່ນລາງວັນອັນສູງສົ່ງທີ່ສຸດ, ຊື່ງສະແດງໃຫ້ເຫັນນ້ຳໃຈສັນຕິພາບ, ມິດຕະພາບລະຫວ່າງບັນດາປະເທດອາຊຽນ. ພ້ອມກັນນັ້ນໄດ້ສະແດງໃຫ້ເຫັນຄວາມເຄົາລົບນັບຖືຂອງພະບາດສົມເດັດພະເຈົ້າມະຫາຊີວິດ, ພະລາຊານີ, ລາຊະກຸມມານ ແລະ ຂອງພວກເພື່ອນ ທີ່ມີຕໍ່ການປະກອບສ່ວນຂອງວັນນະຄະດີຫວຽດນາມ ໃນວິວັດການພັດທະນາຂອງອາຊຽນ ເພື່ອສັນຕິພາບ, ມິດຕະພາບ, ການຮ່ວມມື ແລະພັດທະນາ“.
