 ນາງລໍ່ເລີໃໝ໋(ເບື້ອງຂວາ) ພວມຂາຍໝາກໂມ |
ໂດຍໄດ້ກຳເນີດແລະເຕີບໃຫຍ່ຂຶ້ນຢຸ່ດິນແດນທີ່ທຸກຍາກໃນບ້ານຈູກາງໂຮ່ ນາງລໍ່ເລີໃໝ່ ຍາມໃດກໍ່ມີຄວາມເປັນຫວ່ງດ້ວຍຄວາມຄິດທີ່ວ່າເປັນຫຍັງຄອບເຮົາແລະຫຼາຍຄອບຄົວເອື້ອຍນ້ອງແມ່ຍິງໃນບ້ານເຊິ່ງມີເນື້ອທີ່ດິນປູກຝັງແຕ່ຍັງຄົງມີຄວາມທຸກຍາກ, ຕ້ອງເຮັດແນວໃດເພື່ອຊອກຫາທິດທາງພັດທະນາເສດຖະກິດລົບລ້າງຄວາມອຶດຫິວທຸກຍາກ? ນາງໃໝ໋ ໄດ້ສະຫງວນເວລາໄປຊອກຮູ້ຢູ່ຫຼາຍບ່ອນ, ເອົາຂໍ້ມູນຈາກການອ່ານໜັງສືພິມແລະປຶ້ມ, ປີ 2018 ນາງລໍ່ເລີໃໝ໋ ກ້າຫານນຳສະເໜີຕໍ່ຂະແໜງກະສິກຳເມືອງບາດຊ໊າດແຂວງລ່າວກາຍໃຫ້ການຊ່ວຍເຫຼືອທາງດ້ານລະດັບຄວາມຮູ້ການປູກຝັງ, ບົວລະບັດໝາກໂມແລະນາງໄດ້ກ້າຫານກູ້ຢືມທຶນເພື່ອເປີດກວ້າງເນື້ອທີ່ດິນປູກຝັງ. ນາງໄດ້ເຕົ້າໂຮມກຸ່ມຜະລິດລວມມີເອື້ອຍນ້ອງແມ່ຍິງ 8 ຄົນໃນບ້ານເພື່ອປູກແລະບົວລະບັດໝາກໂມໃນເນື້ອທີ່ກວ່າໜຶ່ງເຮັກຕາຢູ່ບ້ານຫຼາວຫຼວ່າງຈາຍເຊິ່ງສາມາດເກັບກູ້ໝາກໂມໄດ້ 15 ໂຕນໃນລະດູການຜະລິດທຳອິດອັນໄດ້ນຳມາເຊິ່ງລາຍຮັບຫຼາຍກວ່າ 100 ລ້ານດົ່ງ. ນາງໃໝ໋ ແບ່ງປັນວ່າ:
“ໄດ້ຮັບຜົນເຊັ່ນນີ້ ກໍ່ຍ້ອນມີຄວາມມານະພະຍາຍາມຂອງຕົນເອງ. ຈາກຈຸດເລີ່ມຕົ້ນທີ່ຫຍຸ້ງຍາກທາງດ້ານເສດຖະກິດແລະວັດຖຸດັ່ງນັ້ນ ຕົວເອງກໍ່ໄດ້ມານພະຍາຍາມຜ່ານຜ່າຄວາມຫຍຸ້ງຍາກປົວແປງເສດຖະກິດຄອບຄົວ. ເມື່ອເຫັນຮູບແບບປູກໝາກໂມມີປະສິດທິຜົນທາງດ້ານເສດຖະກິດສູງນັ້ນ, ຂ້າພະເຈົ້າຈຶ່ງໄດ້ຂົນຂວາຍເອື້ອຍນ້ອງແມ່ຍິງບາງຄົນໃນບ້ານ ພ້ອມກັນເຂົ້າຮ່ວມການປູກໝາກໂມ. ເມື່ອເຄື່ອນໄຫວຕາມກຸ່ມນັ້ນການເຮັດວຽກກໍ່ບັນລຸປະສິດທິຜົນທີ່ສຸດ ເມື່ອມີວິສາຫະກິດຕ້ອງການເກັບຊື້ຫຼາຍນັ້ນ, ການຜະລິດຕາມກຸ່ມຂອງເອື້ອຍນ້ອງແມ່ຍິງຂອງພວກຂ້າພະເຈົ້າກໍ່ຈະສາມາດຕອບສະໜອງເປັນຢ່າງດີກວ່າ”.
ນາງຈ່າວເປດຮາງ ສະມາຊິກຄົນໜຶ່ງໃນກຸ່ມຜະລິດມີຄວາມພາກພູມໃຈໃຫ້ຮູ້ວ່າເມື່ອເຂົ້າຮ່ວມກຸ່ມ, ເອື້ອຍນ້ອງແມ່ຍິງບໍ່ຕ້ອງລົງທຶນຫຍັງເລີຍ ພຽງແຕ່ປະກອບເຫື່ອແຮງຂອງຕົນເທົ່ານັ້ນ.ໃນລະດູການປູກໝາກໂມ, ແມ່ຍິງແຕ່ລະຄົນກໍ່ມີລາຍຮັບສະເລ່ຍເກືອບ 500.000 ດົ່ງຕໍ່ຄົນຕໍ່ວັນ. ນາງຮາງເວົ້າວ່າ:
"ກ່ອນນີ້ ກໍລຳບາກຫຼາຍ, ຫຼາຍປີເຮົາກໍ່ບໍ່ສາມາດຊອກຫາທິດທາງທຳມາຫາກິນຢ່າງມີປະສິດທິຜົນໃຫ້ແກ່ຕົນເອງໄດ້. ປັດຈຸບັນມີນາງໃໝ໋ ລາວໄດ້ແນະນຳວິທີເຮັດທຳມາຫາກິນ ໃຫ້ແກ່ເອື້ອຍນ້ອງແມ່ຍິງພວກຂ້າພະເຈົ້າເຊັ່ນນີ້, ດັ່ງນັ້ນໃຜໆກໍ່ພາກພູມໃຈເຂົ້າຮ່ວມ. ລະດູການປູກໝາກໂມແລ້ວນີ້ ລາຍຮັບກໍ່ໄດ້ເພີ່ມຂຶ້ນທົບສອງເທົ່າເມື່ອທຽບໃສ່ປີກ່ອນໆ.”
ຕາມທ່ານຈາວຮຸ່ງເຟິຍ, ປະທານຄະນະກຳມະການປະຊາຊົນຕາແສງຕ່ອງແຊັ່ງເມືອງບາດຊ໊າດແລ້ວສິ່ງທີ່ດີທີ່ສຸດຈາກຮູບແບບປູກໝາກໂມປອດສານພິດແລະການສ້າງກຸ່ມຜະລິດຂອງນາງໃໝ໋ ໄດ້ເປັນໂອກາດທີ່ດີເພື່ອສາມາດຫຼຸດພົ້ນອອກຈາກຄວາມທຸກຍາກແບບຍືນຍົງ. ດ້ວຍບັນດາການປະກອບສ່ວນຂອງຕົນນາງໃໝ໋ ໄດ້ຮັບໃບຍ້ອງຍໍຈາກນາຍົກລັດຖະມົຍຕີແມ່ນຊາວກະສິກອນຜະລິດດຳເນີນທຸລະກິດເກັ່ງໄລຍະ 2015 – 2019. ທ່ານຈາວຮຸ່ງເຟິຍໃຫ້ຮູ້ວ່າ:
“ສຳລັບຮູບແບບຂອງນາງໃໝ໋ ນັ້ນ, ພວກຂ້າພະເຈົ້າຕີລາຄາສູງກ່ຽວກັບຮູບແບບນີ້, ນາງ ໃໝ໋ ໄດ້ໂຄສະນາໃຫ້ແກ່ເອື້ອຍນ້ອງແມ່ຍິງຫຼາຍຄົນ ທຳການປູກໝາກໂມເພື່ອພັດທະນາເສດຖະກິດຂອງຕາແສງ. ໃນປີຕໍ່ໆໄປ ພວກຂ້າພະເຈົ້າຈະໜູນຊ່ວຍທາງດ້ານເຕັກນິກການບົວລະບັດ. ນອກຈາກນັ້ນຈະໃຫ້ຄຳປຶກສາເພື່ອໃຫ້ເອື້ອຍນ້ອງແມ່ຍິງທາບທາມກ່ຽວກັບແນວປູກທີ່ດີ ເຮັດແນວໃດເພື່ອໃຫ້ໝາກໂມບັນລຸມາດຕະຖານ”.
ນອກຈາກການປູກຢ່າງຖືກຕ້ອງຕາມຂັ້ນຕອນ, ຮັບປະກັນໝາກໂມປອດສານພິດ ນາງລໍ່ເລີໃໝ໋ ແລະກຸ່ມຜະລິດພວມສູ້ຊົນຂົນຂວາຍເອື້ອຍນ້ອງແມ່ຍິງພໍ່ພີ່ນ້ອງປະກອບທີ່ດິນເຫື່ອແຮງຕື່ມອີກເພື່ອເປີດກວ້າງເນື້ອທີ່ປູກໝາກໂມກ້າວໄປເຖິງການສ້າງຕັ້ງສະຫະກອນ. ຕາມນາງໃໝ໋ ແລ້ວນີ້ແມ່ນໂອກາດທີ່ດີເພື່ອໃຫ້ພໍ່ແມ່ພີ່ນ້ອງໃນບ້ານໃນຕາແສງເປັນຕົ້ນແມ່ນເອື້ອຍນ້ອງແມ່ຍິງໄດ້ບືນຕົວຂຶ້ນຈາກເນື້ອທີ່ດິນຂອງຕົນ.
