ວັນທີ 2/2, ທ່ານນາງ Angela Merkel ນາຍົກລັດຖະມົນຕີເຢຍລະມັນ ໄດ້ເດີນທາງໄປຮອດປັກກິງປະເທດຈີນ, ເລີ່ມຕົ້ນການຢ້ຽມຢາມຈີນເປັນເວລາ 2 ວັນ ເພື່ອແນໃສ່ຊຸກຍູ້ການພົວພັນຮ່ວມມືຮອບດ້ານລະຫວ່າງສອງປະເທດກ່ວາອີກ ແລະປຶກສາຫລືກ່ຽວກັບວິກິດການໜີ້ສິນຂອງລັດຢູ່ເອີລົບ. ໃນວັນທີ 2/2, ທ່ານນາງ Angela Merkel ນາຍົກລັດຖະມົນຕີເຢຍລະມັນ ໄດ້ມີບົດກ່າວປາໄສຢູ່ສະຖາບັນວິທະຍາສາດສັງຄົມຈີນ ແລະເຈລະຈາກັບທ່ານນາຍົກລັດຖະມົນຕີປະເທດເຈົ້າພາບເວີນເຈຍປາວ. ກ່າວຄຳເຫັນທີ່ສະຖາບັນວິທະຍາສາດສັງຄົມຈີນ, ທ່ານນາງ Angela Merkel ປະກາດວ່າ ເຢຍລະມັນໄດ້ເປີດຕະຫຼາດໃຫ້ແກ່ບັນດານັກທຸລະກິດຈີນ ພ້ອມທັງຮຽກຮ້ອງໃຫ້ຈີນ ຈົ່ງຮັບປະກັນໃຫ້ບັນດານັກທຸລະກິດເຢຍລະມັນ ໄດ້ສຳພັດກັບບັນດາຕະຫຼາດຂອງຈີນ. ວັນທີ 3/2, ທ່ານນາງ Angela Merkel ພົບປະເຈລະຈາກັບປະທານປະເທດຈີນຫູຈິນເທົ່າ ກ່ອນທີ່ຈະໄປຢ້ຽມຢາມນະຄອນກວາງເຈົາ ເພື່ອພ້ອມກັບທ່ານນາຍົກລັດຖະມົນຕີເວີນເຈຍປາວ ເຂົ້າຮ່ວມເວທີປາໄສບັນດາວິສາຫະກິດເຢຍລະມັນພວມເຮັດວຽກຢູ່ຈີນ.
