 ພິທີສວດມົນຢູ່ວັດ ເຟິດຕິກ ຢູ່ ສປປ ລາວ |
ຕອນຄ່ຳວັນທີ 23 ກັນຍາ, ຢູ່ວັດ ເຟິດຕິກ ລາວ ທີ່ນະຄອນຫຼວງ ວຽງຈັນ, ພະສົງສຳມະເນນ, ພຸດທະສາສະນິກກະຊົນ, ປະຊາຄົມຊາວ ຫວຽດນາມ ນັບຮ້ອຍໆຄົນທີ່ພວມດຳລົງຊີວິດ, ຮ່ຳຮຽນ, ເຮັດວຽກຢູ່ນະຄອນຫຼວງ ວຽງຈັນ ໄດ້ເຂົ້າຮ່ວມພິທີສວດມົນພາວະນາ, ໄວ້ອາໄລເຖິງດວງວີນຍານທ່ານປະທານປະເທດ ເຈິ່ນດ້າຍກວາງ. ທີ່ພິທີ, ພະອາຈານໃຫຍ່ ທິກມິງກວາງ, ເຈົ້າອະທິການ ເຟິດຕິກ, ຢັ້ງຢືນວ່າ: ທ່ານປະທານປະເທດ ເຈິ່ນດ້າຍກວາງ ເຖິງແກ່ມໍລະນະກຳ ແມ່ນຄວາມສູນເສຍອັນໃຫຍ່ຫຼວງສຳລັບພະສົງສຳມະເນນ, ພຸດທະສາສະນິກກະຊົນ ແລະ ປະຊາຄົມຊາວ ຫວຽດນາມ ຢູ່ນະຄອນຫຼວງ ວຽງຈັນ ເວົ້າສະເພາະ ແລະ ໃນທົ່ວປະເທດລາວ ເວົ້າລວມ. ໃນບັນຍາກາດເຄັ່ງຂຶມນີ້, ພະສົງສຳມະເນັນ, ພຸດທະສາສະນິກກະຊົນສອງປະເທດລາວ - ຫວຽດນາມ ແລະ ປະຊາຄົມຊາວ ຫວຽດນາມ ຢູ່ນະຄອນຫຼວງ ວຽງຈັນ ໄດ້ພ້ອມກັນສວດມົນພາວະນາຂໍໃຫ້ດວງວິນຍານຂອງທ່ານປະທານປະເທດ ເຈິ່ນດ້າຍກວາງ ຈົ່ງໄປສູ່ສຸຄະຕິພົບດ້ວຍເຖີດ.
ພາຍຫຼັງພິທີສວດມົນພາວະນາ, ໄວ້ອາໄລເຖິງດວງວິນຍານທ່ານປະທານປະເທດ ເຈິ່ນດ້າຍກວາງ ແລ້ວ, ບັນດາພະສົງສຳມະເນນ, ພຸດທະສາສະນິກກະຊົນວັດ ເຟິດຕິກ ລາວ ໄດ້ມອບຂອງຂວັນ 350 ພູດໃຫ້ບັນດານັກຮຽນລາວ ທີ່ຖືກຜົນສະທ້ອນຈາກເຫດເຂື່ອນໄຟຟ້າ ເຊປຽນ - ເຊນ້ຳນ້ອຍແຕກ ຢູ່ແຂວງ ອັດຕະປື, ສປປ ລາວ ເມື່ອວັນທີ 23 ກໍລະກົດ ຜ່ານມາ.
