ປັກຫຼັກໝາຍຖີ່ ແລະ ບູລະນະລະບົບຫຼັກໝາຍເຂດຊາຍແດນຫວຽດນາມ-ລາວ
 ກຳລັງປະກອບອາວຸດຫວຽດນາມ-ລາວ (ພາບ:baogialai.vn) |
( vovworld ) – ແຂວງເງະອານ ຂອງຫວຽດນາມ ພວມສົມທົບກັບບັນດາທ້ອງຖິ່ນຂອງລາວ ປະຕິບັດແຜນນະໂຍບາຍປັກຫຼັກໝາຍຖີ່ ແລະ ບູລະນະລະບົບຫຼັກໝາຍເຂດຊາຍແດນຫວຽດນາມ-ລາວ ເປັນຢ່າງດີ. ຮອດກາງເດືອນ 3/2012, ແຂວງເງະອານ ໄດ້ສຳຫຼວດເສົາຫຼັກໝາຍ 94 ເສົາ ໃນຈຳນຈວນ 115 ເສົາ ແລະ ຕິດຕາມກວດກາການກໍ່ສ້າງສຳເລັດເສົາຫຼັກໝາຍເຂດຊາຍແດນແຫ່ງຊາດ 73 ໃນຈຳນຈວນ 115 ເສົາ. ແຂວງເງະອານ ໄດ້ກຳນົດວຽກງານປັກຫຼັກໝາຍຖີ່ ແລະ ບູລະນະລະບົບຫຼັກໝາຍເຂດຊາຍແດນຫວຽດນາມ-ລາວ ແມ່ນວຽກງານທີ່ສຳຄັນ, ສະນັ້ນ, ນອກຈາກການສ້າງຕັ້ງບັນດາໜ່ວຍປັກຫຼັກໝາຍແລ້ວ, ທາງແຂວງຍັງເພີ່ມທະວີການເຜີຍແຜ່, ໂຄສະນາກ່ຽວກັບແຜນນະໂຍບາຍ, ນະໂຍບາຍ, ແນວທາງຂອງພັກ, ລັດຖະບານສອງປະເທດ ກ່ຽວກັບວຽກງານປັກຫຼັກໝາຍຖີ່ ແລະ ບູລະນະລະບົບຫຼັກໝາຍເຂດຊາຍແດນແຫ່ງຊາດ, ຂໍ້ກຳນົດເຂດຊາຍແດນແຫ່ງຊາດ….. ໃຫ້ແກ່ໝູ່ປະຊາຊົນທ້ອງຖິ່ນຕ່າງໆທີ່ຕິດກັບເຂດຊາຍແດນ. ນອກຈາກນັ້ນແລ້ວ, ຄະນະຊີ້ນຳປັກຫຼັກໝາຍຊາຍແດນແຂວງ ເງະອານ ກໍສົມທົບກັບບັນດາອົງການມີໜ້າທີ່ຮັບຜິດຊອບຢູ່ປະເທດລາວ ແລະ ທ້ອງຖິ່ນຕ່າງໆທີ່ມີເສັ້ນຊາຍແດນຮ່ວມໃນການສຳຫຼວດ, ຮັບປະກັນຄວາມປອດໄພໃຫ້ຄະນະປະຕິບັດວຽກງານປັກຫຼັກໝາຍ ແລະ ປະຕິບັດວຽກງານອື່ນໆທີ່ກ່ຽວຂ້ອງເຖິງວຽກງານປັກຫຼັກໝາຍຖີ່ ແລະ ບູລະນະລະບົບຫຼັກໝາຍເຂດຊາຍແດນ.
