ຈິດຕະກອນ ຫງວຽນດວານນິງ ເກີດປີ 1975, ຮຽນຈົບມະຫາວິທະຍາໄລວິຈິດສິນ ເມື່ອປີ 1998. ຮູບແຕ້ມຂອງ ຫງວຽນດວານນິງ ກ່ອນອື່ນໝົດ ແມ່ນສະແດງໄດ້ຄວາມໃຝ່ຝັນ. ຢູ່ໃນນັ້ນ ແມ່ນ ຄວາມງາມຂອງວັດຖຸ ແລະ ຄົນ ໂດຍໄດ້ສະແດງອອກໃຫ້ເຫັນຢ່າງຈະແຈ້ງ.
ໃນຊຸມປີມານີ້, ເມື່ອບຸນປີໃໝ່ປະຈຳຊາດວຽນມາ, ຈິດຕະກອນ ຫງວຽນດວານນິງ ມັກສະຫຼະເວລາ ເພື່ອແຕ້ມຮູບສັດປະເພດຕ່າງໆ. ປີນີ້, ເປັນຄັ້ງທຳອິດ ທີ່ລາວໄດ້ແຕ້ມຮູບໂຕເສືອ, ຍິ່ງຄົ້ນຄ້ວາ ກ່ຽວກັບເສືອ, ຈິດຕະກອນ ຫງວຽນດວານນິງ ຍິ່ງມີແຫຼ່ງບັນດານໃຈ ກ່ຽວກັບການແຕ້ມຮູບເສືອ. ລາວໄດ້ແຕ້ມຮູບເສືອ 48 ແຜ່ນ ໂດຍເທົ່າກັບອາຍຸ48 ປີຂອງຕົນ.
ໂດຍຜ່ານຮູບແຕ້ມເສືອຂອງຕົນ, ນອກຈາກການແຕ້ມຮູບພາບທີ່ເຄັ່ງຂຶມ ຂອງເຈົ້າປ່າແລ້ວ, ຈິດຕະກອນ ຫງວຽນດວານນິງ ກໍ່ຢາກສະແດງໃຫ້ເຫັນກ່ຽວກັບສີສັນນ້ຳໃຈຄວາມຮັກແພງກັບຄົນ ຄື ກັບນ້ຳໃຈຄວາມຮັກແພງລະຫວ່າງແມ່ ແລະ ລູກ.
ຜ່ານຮູບແຕ້ມເສືອແຜ່ນຕ່າງໆນັ້ນ, ຈິດຕະກອນ ຫງວຽນດວານນິງ ມີຄວາມປາດຖະໜາ ຢາກໃຫ້ ປີໃໝ່ປີຂານ 2022 ມີຄວາມເຂັ້ມແຂງ, ເດັດດ່ຽວຂ້ຽວຂາດ ແຕ່ກໍ່ເຕັມໄປດ້ວຍສີສັນນ້ຳໃຈຄວາມຮັກແພງ.
