( vovworld ) - ກອງປະຊຸມພະນັກງານທົ່ວປະເທດຊາບຊືມຜັນຂະຫຍາຍປະຕິບັດມະຕິສູນກາງພັກກອມມູນິດຫວຽດນາມ ຄັ້ງທີ 4 ຊຸດທີ 11 ຫາກໍອັດລົງໃນວັນທີ 29/2 ຢູ່ຮ່າໂນ້ຍ. ບັນດາເນື້ອໃນທີ່ໄດ້ເຕື້ອງເຖິງຢູ່ທີ່ກອງປະຊຸມໄດ້ຮັບຄວາມເຫັນດີເຫັນພ້ອມຈາກພະນັກງານ, ສະມາຊິກພັກ ແລະ ປະຊາຊົນບັນດາແຂວງພາກກາງຫວຽດນາມ. ທ່ານ ຟ້າມວັນກ້ຽມ, ຊາວນະຄອນ ດາໜັ້ງ ມີຄຳເຫັນວ່າ.
“ ໃນ 19 ຂໍ້ມາດຕາທີ່ສະມາຊິກພັກບໍ່ຄວນເຮັດ ຂ້າພະເຈົ້າເຫັນດີເຫັນພ້ອມການກະທຳຄາດຄວາມຮັບຜິດຊອບ, ປົກປິດ, ລາຍງານບໍ່ຖືກກັບຕົວຈິງ, ສວຍໃຊ້ສິດອຳນາດ, ສໍ້ລາດບັງລວງ, ປະໃຫ້ອົງການ, ຫົວໜ່ວຍທ້ອງຖິ່ນໂດຍຕົນເອງຮັບຜິດຊອບເກີດສະພາບຂາດຄວາມສາມັກຄີ… ໃນມະຕິສູນກາງພັກຄັ້ງທີ 4 ຊຸດທີ 11 ຄັ້ງນີ້, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຕັດສິນຊີ້ຂາດໃນການກໍ່ສ້າງປັບປຸງພັກ. ນີ້ແມ່ນສັນຍານທີ່ໜ້າພູມໃຈ, ພວກຂ້າພະເຈົ້າປາດຖະໜາວ່າ ບັນດາອົງການ, ຮາກຖານພັກຕ້ອງປະຕິບັດຢ່າງຂ້ຽວຂາດ ເຂັ້ມງວດ, ຄຳເວົ້າຕ້ອງໄປຄຽງຄູ່ກັບການກະທຳ ”.
ທ່ານຮອງສາດສະດາຈານ, ດອກເຕີ ຫງວຽນຊວນຄ໋ວາດ, ຮອງເລຂາຜູ້ປະຈຳການຄະນະພັກມະຫາວິທະຍາໄລ ເຫວ້ ໄດ້ຖືວ່າ, ຄະນະພັກຂັ້ນຕ່າງໆຢູ່ແຕ່ລະທ້ອງຖິ່ນ, ຫົວໜ່ວຍຕ້ອງຫັນມາດຕະການຕ່າງໆເຊິ່ງຄະນະບໍລິຫານງານສູນກາງພັກໄດ້ຍົກອອກເປັນລະອຽດ ເພື່ອໃຫ້ມະຕິສູນກາງພັກຄັ້ງທີ 4 ເຂົ້າສູ່ຊີວິດຕົວຈິງ. ທ່ານກ່າວວ່າ
“ ໃນບັນດາວິທີການແກ້ໄຂ, ຕາມຂ້າພະເຈົ້າແລ້ວ ວິທີການແກ້ໄຂໃດກໍ່ສຳຄັນ, ແຕ່ວິທີແກ້ໄຂກ່ຽວກັບການຈັດຕັ້ງພະນັກງານ ແລະ ສະມາຊິກພັກຄວນໄດ້ຮັບຄວາມເອົາໃຈໃສ່ເປັນພິເສດ. ເພາະວ່າທັງໝົດກໍເລີ່ມມາຈາກວຽກງານພະນັກງານ. ຖ້າຫາກພະນັກງານບໍ່ລົງຕົວຈິງເພື່ອຕຳໜິຕົນເອງແມ່ນຍາກທີ່ຈະປະຕິບັດໄດ້.”
