( vovworld ) - ຫາງສຽງໂລກສືບຕໍ່ມີທັດສະນະທີ່ແຕກຕາງກັນໃນວິທີແກ້ໄຂວິກິດການຢູ່ ຊີຣີ ພາຍຫຼັງລັດຖະບານຂອງທ່ານນາຍົກລັດຖະມົນຕີ Bashar Al Assad ປະຕິເສດຂໍ້ລິເລີ່ມໃໝ່ຂອງສະຫະພັນ ອາຣັບ ( AL ) ກ່ຽວກັບການສ້າງຕັ້ງຄະນະຮັກສາສັນຕິພາບຮ່ວມກັບສະຫະປະຊາຊາດຢູ່ປະເທດຕາເວັນອອກກາງນີ້. ວັນທີ 13/2, ທ່ານລັດຖະມົນຕີການຕ່າງປະເທດ ລັດເຊຍ Sergei Lavrov ໃຫ້ຮູ້ວ່າ ຄວນປະຕິບັດຄຳສັ່ງຢຸດຍິງຢູ່ ຊີຣີ ກ່ອນທີ່ຜັນຂະຫຍາຍຄະນະຕິດຕາມກວດກາຮ່ວມ. ລັດເຊຍ ຢາກຝ່າຍຕ່າງໆຢູ່ ຊີຣີ ຮັບຮອງຜູ້ຕິດຕາມກວດກາສາກົນຂອງສະຫະພັນ ອາຣັບ ແລະ ສະຫະປະຊາຊາດ.
ແລະກໍ່ໃນວັນດຽວກັນ, ໂຄສົກກະຊວງການຕ່າງປະເທດ ຈີນ ຫຼີວກວາຍມິນ ໄດ້ຢືນຢັນວ່າ ປັກກິ່ງ ສະໜັບສະໜູນຄວາມມາລະພະຍາຍາມໄກເກັ່ຍດ້ານການເມືອງຂອງ AL. ຈີນ ຢາກຮັບຟັງຝ່າຍຕ່າງໆຢູ່ ຊີຣີ ແກ້ໄຂຄວາມບໍ່ລົງລອຍກັນຜ່ານການເຈລະຈາ. ໃນຂະນະນັ້ນ, ສະຫະປະຊາຊາດ, ສະຫະພາບ ເອີລົບ ແລະ ອາເມລິກາ ໄດ້ສະແດງການສະໜັບສະໜູນຕໍ່ການສ້າງຕັ້ງ ແລະ ຜັນຂະຫຍາຍໜ້າທີ່ຕິດຕາມກວດກາຮ່ວມຢູ່ ຊີຣີ. ອັງກິດ, ຟລັງ, ເຢຍລະມັນ, ອີຕາລີ ມີຄຳຖະແຫຼງ ຢ່າງລະມັດລະວັງເມື່ອເວົ້າວ່າ ປະເທດນີ້ຈະພິຈາລະນາຂໍ້ສະລິເລີ່ມຂອງ AL ໃນໄວໆນີ້. ຄາດວ່າ, ບັນດາປະເທດຈະດຳເນີນການພິຈາລະນາກ່ຽວກັບຂໍ້ລິເລີ່ມຂອງ AL ຢູ່ທີ່ກອງປະຊຸມ “ ບັນດາເພື່ອນມິດຂອງ ຊີຣີ ” ເຊິ່ງຖືກດຳເນີນໄປຢູ່ Tuynizi ໃນວັນທີ 24/2 ທີ່ຈະມາເຖິງ.
