 ທ່ານປະທານປະເທດ ເລືອງເກືອງ ໄດ້ໃຫ້ການຕ້ອນຮັບທ່ານ Hynek Kmonicek ເອກອັກຄະລັດຖະທູດ ສ.ເຊັກໂກ (ພາບ: VOV) |
ຕອນບ່າຍວັນທີ 3 ກຸມພາ, ຢູ່ທຳນຽບປະທານປະເທດ, ທ່ານປະທານປະເທດ ເລືອງເກືອງ ໄດ້ໃຫ້ການຕ້ອນຮັບທ່ານ Hynek Kmonicek ເອກອັກຄະລັດຖະທູດ ສ.ເຊັກໂກ ເຂົ້າຢ້ຽມອຳລາເນື່ອງໃນໂອກາດປະຕິບັດສຳເລັດການປະຕິບັດວຽກງານການຕ່າງປະເທດຢູ່ ຫວຽດນາມ. ນະທີ່ນີ້, ທ່ານປະທານປະເທດ ເນັ້ນໜັກວ່າ ຫວຽດນາມ ຍາມໃດກໍ່ຖືເປັນສຳຄັນ ແລະ ປາດຖະໜາຢາກເພີ່ມທະວີການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືໃນຫຼາຍດ້ານກັບເຊັກໂກ,ສຳລັບຍຸດທະສາທຳອິດຂອງ ຫວຽດນາມ ຢູ່ ເອີລົບຕາເວັນອອກກາງ; ທ່ານສະເໜີໃນໄລຍະຈະມາເຖິງ, ສອງຝ່າຍສືບຕໍ່ຊຸກຍູ້ການແລກປ່ຽນຄະນະຜູ້ແທນທຸກຂັ້ນ ແລະ ພົບປະແລກປ່ຽນປະຊາຊົນ ແລະ ຮັບຮອງເອົາແຜນການກະທຳຜັນຂະຫຍາຍຂອບເຂດການພົວພັນຄູ່ຮ່ວມມືຍຸດທະສາດ ຫວຽດນາມ - ເຊັກໂກໂດຍໄວ. ທ່ານປະທານປະເທດ ຖືວ່າ ການຮ່ວມມືລະຫວ່າງສອງປະເທດ ຍັງມີຄວາມສາມາດບົ່ມຊ້ອນຫຼາຍຢ່າງຕ້ອງຂຸດຄົ້ນ ແລະ ປາດຖະໜາຢາກສອງຝ່າຍຈຸກຍູ້ຢ່າງແຮງກ່ວາອີກໃນໄລຍະຈະມາເຖິງ.
ສ່ວນທ່ານ Hynek Kmonicek ເອກອັກຄະລັດຖະທູດ ຢັ້ງຢືນ ລັດຖະບານຊຸດໃໝ່ຂອງ ສ.ເຊັກໂກ ສືບຕໍ່ຖືຫວຽດນາມ ແມ່ນຄູ່ຮ່ວມມືສຳຄັນທີ່ສຸດຢູ່ ອາຊີ ແລະ ປາດຖະໜາຢາກສ້າງເງື່ອນໄຂໃຫ້ຜູ້ອອກແຮງງານ ຫວຽດນາມ ເຂົ້າຮ່ວມຕະຫຼາດເຊັກໂກຄືນໃໝ່. ທ່ານເອກອັກຄະລັດຖະທູດ ຢັ້ງຢືນວ່າ ເຖິງວ່າຢູ່ບໍ່ວ່າຖານະຕຳແໜ່ງໃດ, ທ່ານເອກອັກຄະລັດຖະທູດເອງ ກໍ່ຈະສືບຕໍ່ປະກອບສ່ວນຢ່າງຕັ້ງໜ້າເຂົ້າໃນການປັບປຸງ ແລະ ພັດທະນາການພົວພັນມິດຕະພາບ, ການຮ່ວມມືອັນດີງາມ, ສືບຕໍ່ມານະພະຍາຍາມຈົນສຸດຄວາມສາມາດຂອງຕົນ ເພື່ອນຳການຮ່ວມມືລະຫວ່າງສອງປະເທດຂຶ້ນສູ່ລະດັບສູງໃໝ່.
