ປະທານາທິບໍດີອາເມລິກາ Barack Obama ຢ້ຽມຢາມ ສເກົາຫຼີ.
(vovworld) - ໃນຂອບເຂດການຢ້ຽມຢາມ ສເກົາຫຼີ ເປັນເວລາ 3 ວັນ, ວັນທີ 25/3, ທ່ານປະທານາທິບໍດີອາເມລິກາ Barack Obama ໄດ້ໄປຢ້ຽມຢາມເຂດປອກການທະຫານລະຫວ່າງ ສເກົາຫຼີ ແລະ ສປປເກົາຫຼີ ເພື່ອແນໃສ່ຢືນຢັນຄຳໝັ້ນສັນຍາຂອງອາເມລິກາທີ່ມີຄໍ່ຄວາມສະຫງົບປອດໄພຂອງ ສເກົາຫຼີ. ທ່ານ Obama ຍັງມີການເຈລະຈາກັບທ່ານປະທານາທິບໍດີ ລີມຽງປັກ (Lee Myung Bak) ເພື່ອປຶກສາຫາລືກ່ຽວກັບແຜນການຍີງດາວທຽມຂອງພຽງຢາງໃນໄລຍະຈະມາເຖິງ. ການຢ້ຽມຢາມ ສເກົາຫຼີຂອງທ່ານ Obama ດຳເນີນໄປໃນສະພາບຄວາມເຄັ່ງຕຶງຢູ່ແຫຼມເກົາຫຼີພວມເພີ່ມຂຶ້ນ, ພາຍຫຼັງທີ່ ສປປເກົາຫຼີ ແຈ້ງໃຫ້ຊາບຈະຍີງດາວທຽມ ກວາງມຽງເຊິງ 3 (Kwangmyongsong – 3) ໃນເດືອນ 4 ຈະມາເຖິງ. ອາເມລິກາຖືວ່າ, ຍາກທີ່ຈະດຳເນີນການຊ່ວຍເຫຼືອດ້ານທັນຍາຫານຄືດັ່ງໄດ້ຕົກລົງກັບ ສປປເກົາຫຼີ ໄດ້, ຖ້າຫາກປະເທດນີ້ປະຕິບັດການຍິງດາວທຽມ. ແຕ່ ສປປເກົາຫຼີ ພັດຢືນຢັນວ່າ, ການຍິງດາວທຽມແມ່ນສິດທີ່ຖືກຕ້ອງຕາມກົດໝາຍຂອງປະເທດນີ້.
